Walker në takim me Kurtin: Sa herë vi në Kosovë, gëzohem për ndryshimet
Në prag të 25-vjetorit të Masakrës së Reçakut, kryeministri Albin Kurti, priti në një takim miqësor, ambasadorin William Walker.
Me këtë rast i pari i Qeverisë e falënderoi ambasadorin Walker për kontributin e tij të pazëvendësueshëm gjatë kohës së luftës dhe jehonën që i dha masakrës së Reçakut në rrafshin ndërkombëtar, duke përshkruar ndodhinë në Reçak si masakër dhe krim kundër njerëzimit.
“Rikujtuan vitet 1998 dhe 1999, kur ambasadori William Walker ishte në Kosovë në krye të Misionit Verifikues të OSBE-së, që kishte për mision të verifikonte nëse forcat serbe po vepronin në përputhje me marrëveshjen e tetorit të Kombeve të Bashkuara, për të tërhequr forcat e armatosura dhe për të respektuar armëpushimin”, njofton zyra e kryeministrit.
Ambasadori Walker tha se ndjehet i lumtur dhe krenar për atë që Kosova ka arritur në një periudhë të shkurtër kohore, duke u bërë një nga shtetet më demokratike në Evropë.
“Ai tha se sa herë që vjen në Kosovë u gëzohet ndryshimeve që i sheh teksa lëvizë nëpër rrugët e Kosovës”, vazhdon njoftimi.
Bashkë me urimet për jetë të gjatë dhe shëndet të mirë, Kryeministri Kurti ritheksoi mirënjohjen ndaj ambasadorit Walker, për rolin e tij korrekt, konkret dhe aq human të treguar në raport me krimet e luftës që Serbia ka kryer ndaj shqiptarëve të Kosovës.
Më shumë storie
Donika Gërvalla: Letra për Këshillin e Evropës është zotim serioz
Zëvendëskryeministrja dhe Ministrja e Punëve të Jashtme dhe Diasporës, Donika Gërvalla në një konferencë për media, ka folur për letrën...
Policia e Kosovës ka gjetur dhe konfiskuar një sasi te armatimit në rrethinën e Zveçanit
Në një operacion policor, në veri të vendit, është gjetur dhe konfiskuar një sasi e armatimit në rrethinën e Zveçanit,...
Pas takimit, Kurti: Jam i gatshëm për të diskutuar datën e zgjedhjeve
Kryeministri Albin Kurti pas takimit me liderin e PDK-së, Memli Krasniqi ka thënë se është i gatshëm për të diskutuar...
Albin Kurti, QUINT-it: Dialogu dhe anëtarësimi në KiE nuk duhet të përzihen
Kryeministri i Kosovës, Albin Kurti, i shoqëruar nga zëvendëskryeministri i parë, Besnik Bislimi dhe zëvendësministri i Punëve të Jashtme dhe Diasporës,...
Kosova në Këshillin e Evropës, me apo pa kushte?
Kanë mbetur më pak se dy javë kur pritet të votohet për anëtarësimin e Kosovës në Këshillin e Evropës. Por,...
Robin Krasniqi nesër rikthehet në ring, i bindur për fitore
Boksieri i njohur nga Kosova, Robin Krasniqi nesër mbrëma do të rikthehet në ring. Krasniqi do të ndeshet me portugezin...
Average Rating