Jeffrey Hovenier: Të mos përdoret dhuna për të hyrë në ndërtesat e komunave në veri të Kosovës
Ambasadori amerikan në Kosovë, Jeffrey Hovenier, ka thënë të enjten se nuk duhet përdorur forcën për të fituar qasje në ndërtesat komunale në veri të Kosovës.
Ai i ka bërë këto deklarata, pasi të premten pritet që, kryetarët e rinj të komunave veriore të Kosovës, të bëjnë betimin dhe të nisin punën.
Kryetarët e rinj, të gjithë nga partitë shqiptare, janë zgjedhur në zgjedhjet e mbajtura në prill, në komunat veriore – të banuara me shumicë serbe – pas dorëheqjeve të kryetarëve paraprakë, si shenjë pakënaqësie ndaj vendimit të Qeverisë së Kosovës për riregjistrim të makinave ilegale serbe në RKS – Republika e Kosovës.
Këtë proces zgjedhor e kanë bojkotuar një pjesë e mirë e qytetarëve.
Sipas të dhënave të Komisionit Qendror Zgjedhor, në zgjedhje kanë dalë 1.567 votues apo 3.47 për qind e trupit zgjedhor.
Thirrjet për bojkot i ka bërë Lista Serbe – partia kryesore e serbëve në Kosovë – e cila gëzon mbështetjen e Beogradit zyrtar.
Kur Hovenier është pyetur se si mund të rrjedhë procesi të premten, ai ka thënë se
“Shtetet e Bashkuara besojnë se është me rëndësi që kjo gjë të bëhet në një mënyrë që shmang konfliktin dhe rritjen e tensioneve në veri”.
“Ne presim nga kryetarët e zgjedhur që të ushtrojnë rol teknik, në vend të atij politik, dhe të ndërmarrin veprime që nuk shihen si përshkallëzuese. Shembull, ne nuk mendojmë që është ide e mirë që të përdoret forca për të fituar qasje në ndërtesa, të cilat mund të mos jenë të qasshme tani”.
Më shumë storie
Albin Kurti, QUINT-it: Dialogu dhe anëtarësimi në KiE nuk duhet të përzihen
Kryeministri i Kosovës, Albin Kurti, i shoqëruar nga zëvendëskryeministri i parë, Besnik Bislimi dhe zëvendësministri i Punëve të Jashtme dhe Diasporës,...
Kosova në Këshillin e Evropës, me apo pa kushte?
Kanë mbetur më pak se dy javë kur pritet të votohet për anëtarësimin e Kosovës në Këshillin e Evropës. Por,...
Robin Krasniqi nesër rikthehet në ring, i bindur për fitore
Boksieri i njohur nga Kosova, Robin Krasniqi nesër mbrëma do të rikthehet në ring. Krasniqi do të ndeshet me portugezin...
Publicistit, e veprimtarit, Refik Hasanit, i ndahet Mirënjohje
Dje, në Takimin PanShqiptar, që u mbajt në Hotel ,,EMERALD’’, në Prishtinë. Të pranishëm ishin shumë mysafirë Nderi nga hapsira...
Tomas Szunyog: BE pret që Kosova e Serbia të zbatojnë marrëveshjen për normalizim
Shefi i Zyrës së BE-së në Kosovë, Tomas Szunyog, ka folur në ‘Forumin për Siguri të mbajtur në Budapest të...
James O’Brien kërkon themelimin e Asociacionit dhe zbatimin e marrëveshjeve
Ndihmës Sekretari amerikan i Shtetit për Evropën dhe Euroazinë, James O’Brien, ka kërkuar nga kryeministri i Kosovës, Albin Kurti përparim...
Average Rating