Gjenerali serb i kërkon KFOR-it “të mbrojë serbët në Kosovë”
Shefi i Shtabit të Përgjithshëm të Ushtrisë serbe, gjenerali Millan Mojsilloviq, tha se i ka kërkuar misionit të NATO-s në Kosovë, KFOR, që të ndërmarrë masa urgjente për të mbrojtur popullatën serbe në Kosovë.
Këtë njoftim ai e bëri gjatë një adresimi të shkurtër për media, në ditën kur Policia e Kosovës arrestoi edhe një serb të dyshuar për pjesëmarrje në sulmin ndaj ushtarëve të KFOR-it më 29 maj në Zveçan.
Gjenerali Mojsilloviq tha se e ka informuar komandantin e KFOR-it, gjeneralmajor Angelo Michele Ristuccia, se “ne po i përcjellim ngjarjet me ankth të madh”.
“Ne kërkojmë që të ndërmerren masa urgjente për të mbrojtur popullatën serbe dhe të drejtën e tyre për mbijetesë. Kjo është lutja jonë për njësitë e KFOR-it dhe institucionet e tjera ndërkombëtare të sigurisë në Kosovë dhe Metohi”, tha Mojsilloviq.
Ai shtoi se Ushtria serbe do të përmbushë të gjitha obligimet ligjore ndërkombëtare që dalin nga rezoluta 1244 e Kombeve të Bashkuara. Sipas tij, është e qartë se sot komuniteti ndërkombëtar nuk po përmbush obligimet e tij.
“Ushtria e Serbisë, në përputhje me Kushtetutën serbe dhe Kartën e OKB-së, nëse merr urdhër nga komandanti suprem, të do kryejë të gjitha detyrat e saj në tërësi në lidhje me krizën e përgjithshme të sigurisë”, tha Mojsilloviq.
Më 23 qershor, Policia e Kosovës arrestoi një serb në Mitrovicë të Veriut, nën dyshimet se ka marrë pjesë në sulmin ndaj KFOR-it.
Ministri i Punëve të Brendshme të Kosovës, Xhelal Sveçla, tha se Nenad Orlloviq, dyshohet se ka marrë pjesë në grupin që ka sulmuar ushtarët e KFOR-it më 29 maj. Nga përleshjet mes serbëve dhe KFOR-it, u lënduan dhjetëra persona nga të dyja palët.
Më shumë storie
Maqedonia e Veriut në udhëkryqin e integrimit dhe destabilizimit!
Nga Azgan Haklaj Fitorja e nacionalizmit maqedonas me retorikë filo-ruse, të shprehur qartë në fushatë në thelb në mos kthim...
Edi Rama në Athinë: Eshtë koha të jetojmë në harmoni
Kryeministri i Shqipërisë, Edi Rama në fund të fjalës së tij të mbajtur para shqiptarëve në Athinë, dha edhe një...
BE i reagon presidentes Siljanovska, u betua me emrin e vjetër të shtetit
Bashkimi Evropian ka reaguar menjëherë pas betimit të presidentes së re të Maqedonisë së veriut, ku ajo gjatë ceremonisë së...
VLEN dhe VMRO-DPMNE pajtohen për parimet e përgjithshme për të bashkëqeverisë
VMRO DPMNE-ja dhe koalicioni i opozitës shqiptare, VLEN, kanë theksuar se kanë arritur pajtueshmëri për parimet e përgjithshme të bashkëpunimit...
Malit të Zi do të votojë pro Rezolutës për Srebrenicën në OKB
Qeveria e Malit të Zi do të votojë në Asamblenë e Përgjithshme të Kombeve të Bashkuara në mbështetje të Rezolutës...
Zgjedhjet në Maqedonin e Veriut: VMRO-DPMNE 58 mandate, LSDM 18, Fronti Evropian 19 ndërkaq VLEN 13 mandate
PARTITË DHE KOALICIONET MANDATET VOTAT PËRQINDJE1.VMRO-DPMNE “Maqedonia jote” 58 431.251 43, 23%2. “Fronti Evropian” ...
Average Rating