
Albin Kurti i reagon Borrellit: Pretendimet e rreme ndezin tensionet
Kryeministri i Kosovës, Albin Kurti, ka reaguar pas deklarimeve të Shefit të Politikës së Jashtme të Bashkimit Evropian, Josep Borrell. Ky i fundit më herët gjatë ditës është shprehur i alarmuar nga situata në veri të vendit tonë, teksa i ka quajtur të jashtëligjshme arrestimet e serbëve në Kosovë. Ai po ashtu e ka përmendur edhe marshimin e pjesëtarëve të Forcës së Sigurisë së Kosovës në Mitrovicë.
Ndaj këtyre pohimeve i pari i ekzekutivit të Kosovës ka reaguar: “Përhapja e panikut dhe pretendimeve të rreme veç sa ndez tensionet dhe ndihmon ata që kërkojnë t’i përshkallëzojnë ato”, ka shkruar Kurti në “Twitter”
Ai u ka bërë thirrje të gjithëve që t’i konfirmojnë burimet e tyre dhe të presin informacione zyrtare nga institucionet e Kosovës përpara se të vendosin të angazhohen publikisht në transmetimin e lajmeve ose parashikimin e ngjarjeve.
Tutje kryeministri Kurti ka thënë se arrestimi i sotëm i një serbi është bazuar në provat e shumta dhe në përputhje me Kodin e Procedurës Penale dhe të drejtat e procesit të rregullt ligjor për sulmin e kryer mbi ushtarët e KFOR-it në Zveçan në 29 maj.
“Si kryeministër i një shteti demokratik nuk kam asnjë përfshirje në hetime dhe arrestime”, ka shkruar tutje Kurti.
Ndërkaq sa i përket stërvitjet e sotme nga Regjimenti III i Forcës së Sigurisë së Kosovës në Mitrovicën e Jugut, kryeministri ka thënë se ai ka qenë një aktivitet rutinë, i planifikuar çdo vit, për të cilin KFOR-i ishte plotësisht i informuar.
“Ai përbëhej nga 215 ushtarë që shkonin nga garnizoni ‘Minatori’ në Frashër dhe ktheheshin. Dezinformimi është i rrezikshëm dhe i papranueshëm”, ka nënvizuar Kurti.
Më shumë storie
Dështon zgjedhja e Albulena Haxhiut si kryeparlamentare
Ka dështuar zgjedhja e kandidates së Vetëvendosjes për kryetare të Kuvendit, Albulena Haxhiu. Kanë votuar vetëm 57 deputetë pro emërimit...
Kuveni i Kosovës: Betohen 199 deputetët e legjislaturës së nëntë
Deputetët e legjislaturës së nëntë të Kuvendit të Kosovës janë betuar me ceremoninë e betimit pas votimit të raportit të...
AGK dënon sulmin fizik të Damkës ndaj një gazetari në Kuvend
Asociacioni i Gazetarëve të Kosovës ka reaguar pas pengimit në detyrë të gazetarit të Kallxo.com nga deputeti i Partisë Demokratike...
Albin Kurti: Mosvotimi i raportit për mandatet është sulm kundër Kosovës
Kryetari i Lëvizjes Vetëvendosje, Albin Kurti, ka thënë se mosvotimi i raportit për mandatet nga deputetët e PDK-së, LDK-së, Listës...
Eugen Cakolli: Seanca u mbyll për shkak të mungesës së dorëheqjeve nga ministrat
Seanca e sotme e Kuvendit u mbyll për shkak të mungesës së dorëheqjeve nga ministrat në detyrë të kabinetit qeveritar,...
LDK, PDK e AAK kërkojnë dorëheqjen e Kurtit nga posti i kryeministrit
Ka dështuar sot konstituimi i Kuvendit të Kosovës, pasi që nuk u miratua raporti i komisionit për verifikimin e mandateve....
Average Rating