Propozohet përfshirja e detyrimeve të Serbisë nga dialogu
Në Këshillin e Bashkimit Evropian është dorëzuar propozimin që korniza negociuese e Serbisë të amandamentohet me detyrimet që i ka ky shtet nga dialogu me Kosovën.
Një zëdhënës i Bashkimit Evropian ka konfirmuar se teksti i propozimit është dorëzuar Këshillit të BE-së të premten në mbrëmje. Tani mbetet që i njëjti të miratohet me çfarë, të gjitha obligimet që i ka Serbia nga dialogu bëhen formalisht pjesë e procesit të anëtarësimit në Bashkimin Evropian.
Një veprim i tillë vjen pasi që në dhjetor të vitit të kaluar Këshilli i BE-së ka kërkuar formalisht që të ndryshoj korniza negociuese e Serbisë dhe të përfshihen detyrimet e dala nga marrëveshja për rrugën drejt normalizimit dhe aneksi i dakorduar në Ohër.
Kjo është pasojë e mungesës së nënshkrimit në marrëveshjen për rrugën drejt normalizimit të marrëdhënieve që u arrit në fund të shkurtit të vitit të kaluar në Bruksel dhe aneksin të zbatimit që u dakordua në mars në Ohër.
Marrëveshja nuk është nënshkruar për shkak të refuzimit të presidentit serb Aleksandër Vuçiq, ndërsa Bashkimi Evropian e konsideron marrëveshjen ligjërisht obliguese për palët konform deklaratës së shefit të diplomacisë evropiane Josep Borrell.
Me qëllim të formalizimit të marrëveshjes ujdia e Ohrit gjithashtu parasheh që detyrimet e palëve të bëhen pjesë integrale e proceseve të integrimeve evropiane.
Përderisa për Serbinë kjo nënkupton ndryshimin e kornizës negociuese, për Kosovën detyrimet do pasqyrohen në Agjendën e Grupit Special të Kosovës për Normalizim.
Më shumë storie
Në vend të anëtarësimit sot është dita e mosanëtarësimit të Kosovës në KiE
Sot do të duhej të ishte dita e anëtarësimit të Kosovës në Këshillin e Evropës, por kjo nuk ka ndodhur,...
Bashkimi Evropian: Statuti i Asociacionit duhet të prezantohet në dialog
Bashkimi Evropian konsideron se sipas marrëveshjeve përkatëse të dialogut, statuti për themelimin e Asociacionit të komunave me shumicë serbe duhet...
Olaf Scholz, Macron dhe Meloni letër Kurtit: Mbështesim draftin e Lajçakut
Tre liderët evropianë, kancelari gjerman, Olaf Scholz, presidenti i Francës, Emmanuel Macron dhe kryeministrja e Italisë, Giorgia Meloni, të mërkurën,...
Gerald Knaus: Letra e treshes evropiane u dërgua para letrës së qeverisë kosovare
Gerald Knaus, nga Iniciativa Evropiane për Stabilitet ka sqaruar se letra që liderët evropianë i kanë dërguar letër kryeministrit Albin...
Edward Joseph pasi e sheh Osmanin në helikopter: Ta pilotojë Kosovën në KiE
Presidentja e Kosovës, Vjosa Osmani, në një video të postuar nëpër rrjetet sociale, ka treguar se ka bërë praktikë në...
Asambleja e Kombeve të Bashkuara miraton rezolutën: Palestina të bëhet anëtare e OKB-së
Asambleja e Përgjithshme e Kombeve të Bashkuara (OKB) i ka bërë thirrje Këshillit të Sigurimit të OKB-së të rishqyrtojë anëtarësimin...
Average Rating