Gabriel Eskobar: SHBA ka punuar në favor të Kosovës dhe ajo duhet të dëgjojë

March 14, 2024March 14, 2024

Read Time:1 Minute, 23 Second

Emisari i SHBA-së për Ballkanin Perëndimor, Gabriel Escobar ka vizituar sot Qeverinë e Kosovës. Ai është i shoqëruar nga ambasadori amerikan në Kosovë, Jeffrey Hovenier. Ai pritet të zhvillojë takim me kryeministrin Albin Kurti.

Escobar gjatë ditës ka qëndruar në Pejë, ku është takuar me kryetarin e komunës së Pejës, Gazmend Muhaxheri si dhe përfaqësues të shoqërisë civile nga Gorazhdeci, por edhe me të rinj shqiptarë, serbë e boshnjakë.

Ai po ashtu ka vizituar edhe Manastirin e Deçanit.

Escobar pas përfundimit të takimit tha se vendimi i BQK-së ka shkaktuar disa vështirësi për disa qytetarë të këtij vendi, dhe Qeveria duhet të merret me këtë sfidë dhe ta diskutojë këtë.

Ai ka thënë se shpreson që Qeveria të jetë fleksibile në diskutimet e të martës. “Shpresoj që Qeveria e Kosovës të jetë fleksibile në diskutimet në dialog të martën, sa i përket rregullores së BQK-së”.

Escobar tha se ka përgëzuar kryeministrin për vendimin për pronat e Manastirit, që ishte një vendim i vështirë, por i domosdoshëm.

“Kishim një diskutim shumë të mirë, kryeministri ka premtuar se do të merr disa vendime për propozimet që i kemi ofruar”, shtoi ai.

Ecobar ka thënë se çdo gjë që ka bërë SHBA-ja në ka qenë për Kosovën, se e përkrah anëtarësimin e Kosovës në Këshillin e Evropës. Ai shtoi se pas Ohrit, SHBA e ka përkrahur kandidaturën e Kosovës për Këshill të Evropës, ka përkrahur proceset demokratike, përfshirë edhe zgjedhjet në veri.

“Çdo gjë që kemi bërë, ka qenë për Kosovën dhe do ta vazhdojmë ta bëjmë këtë. Në ndërkohë shpresojmë që Kosova të dëgjojë shqetësimet tona”, tha Escobar.