28 Nëntori po festohet në të gjitha trojet shqiptare dhe në diasporë
Read Time:1 Minute, 3 Second
Sot, shqiptarët në Shqipëri, Kosovë, Maqedoni të Veriut, diasporë dhe në vise të tjera po festojnë 28 Nëntorin, Ditën e Flamurit dhe 112-vjetorin e shpalljes së Pavarësisë së Shqipërisë.
Për të shënuar këtë ditë historike, janë organizuar aktivitete të ndryshme, ku kanë marrë pjesë liderët e shteteve përkatëse.
Ceremonia kryesore është mbajtur në Shqipëri, në Vlorë, qyteti ku lindi shteti shqiptar. Në sheshin e Vlorës u zhvillua ceremonia e ngritjes së flamurit kombëtar, ku ishin të pranishëm presidenti i Shqipërisë, Bajram Begaj, kryeministri Edi Rama, kryeministri i Kosovës, Albin Kurti, prefekti i Vlorës dhe ministra të kabinetit qeveritar.
Në Kosovë, në nder të 28 Nëntorit, Ditës së Flamurit dhe 112-vjetorit të shpalljes së Pavarësisë së Shqipërisë, janë organizuar homazhe në vende historike si Kompleksi Memorial ‘Adem Jashari’ në Prekaz, si dhe në varrezat e dëshmorëve dhe martirëve të luftës së Kosovës, etj.
Për Kosovën, kjo datë ka edhe dy simbolika të tjera. Së pari, ajo shënon daljen publike të UÇK-së më 28 nëntor 1997, në fshatin Llaushë të Skenderajt. Së dyti, 28 Nëntori është edhe ditëlindja e komandantit legjendar Adem Jashari, i lindur më 28 nëntor 1955 në Prekaz të Skenderajt.
Stafi i KosovaLindore.com, uron gjith shqiptarët kudo që janë 28 Nëntorin Ditën e Flamurit
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating