Vjosa Osmani në pritjen e presidentit Trump, diskutime me liderë botërorë
Read Time:53 Second
Presidentja e Republikës së Kosovës, Vjosa Osmani ka marrë pjesë në pritjen e presidentit Trump në New York, krah liderëve të tjerë botërorë.
“Në pritjen e Presidentit Trump në New York, krah liderëve të tjerë botërorë – diskutime të rëndësishme në interes të Republikës së Kosovës dhe qytetarëve tanë!”, ka shkruar presidentja Osmani.
Ajo gjithashtu ka ndarë fotografi duke u takuar me liderë botërorë gjatë kësaj ngjarjeje, si sekretari amerikan Marco Rubio, kryeministri i Kanadasë Marc Carney, presidenti i Turqisë Recep Tayyip Erdogan, e udhëheqësit e Polonisë, Australisë, Argjentinës, Zvicrës e të shteteve të tjera.
Ndërkohë gjatë ditës, Presidentja ka shpërndarë fotografinë me presidentin Trump, me të cilin ka thënë se ka pasur “bisedë të gjatë dhe shumë përmbajtjesore”.
“Një takim i planifikuar si protokollar me presidentin Trump u shndërrua në një bisedë të gjatë dhe shumë përmbajtjesore. Faleminderit presidentit Trump për interesimin e veçantë që tregoi rreth rolit të pazëvendësueshëm të Amerikës në Kosovë dhe në rajonin tonë, si dhe për angazhimin e tij të palodhshëm për paqe”, ka shkruar Osmani në Facebook.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating