Adem Jashari simbol i shqiptarizmit dhe unitetit kombëtar

Read Time:2 Minute, 21 Second

Nga Skënder Sadri KAPITI

Ajo se cfarë më nxiti për t’a shkruar këtë shkrim është fakti se sot si në Shqipëri por edhe në Kosovë ajo e cila ka “triumfuar” është liria e korrupsionit,hajdutërisë dhe e tradhëtisë.

Pra SOT Shqipëria dhe Kosova duhet të clirohen nga e drejta dhe nga liria për të bërë korrupsionin, hajdutërinë dhe tradhëtinë ; duhet ndëshkur e pastruar politika prej së cilës po vuan padrejtësisht shoqëria shqiptare në Shqipëri e Kosovë.

Për t’a realizuar këtë shqiptarët duhet t’a kujtojnë sidomos sot dhe në shekuj sakrificën e Adem Jasharit dhe të familjes së Jasharajve për liri kombëtare, për shtetin e bashkuar kombëtar.

Adem Jashari është figura më e madhe përbashkuese për shqiptarët në të gjithë historinë tonë kombëtare, është simbol i unitetit kombëtar.

Pas clirimit dhe pavarësimit të Kosovës , nuk janë realizuar nga politika kosovare pritshmëritë që duhet të vinin;nuk u realizua ashtu si duhet sakrifica e Adem Jasharit dhe e familjes së tij; por përkundrazi politika në Kosovë , mediat, korrupsioni, tradhetia, islamofobët serbofilë dhe mbeturinat agjenturore shqipfolëse në Kosovë janë bërë kërcënim shumë i madh për sovranitetin e Kosovës.

Koha po zbulon edhe fytyrën e vërtetë të atyre të cilët populli i kishte besuar si patriotë, pasi koha po zbulon dhe nxjerr në dritë tradhëtitë e mëdha dhe pazaret me interesat dhe me trojet shqiptare maskuar me patriotizmin fals te “patriotëve” fals e zullumqarë.

Në Kosovë ashtu si edhe në Shqipëri mediat në shumicën e tyre ato po promovojnë agjenda antishqiptare, dhe ku ato u mundësojnë dhe favorizojnë dhe u japin hapësira opinionistëve, analistëve dhe programeve djallëzore antishqiptare përcarëse ashtu sic duan armiqtë e shqiptarëve.

Në këto kushte unë e shikoj të arsyeshme që shqiptarët kanë nevojë që vazhdimisht t’u kujtojmë atyre sakrificat e jashtëzakonshme të popullit heroik të Kosovës për liri e pavarësi kombëtare kundër gjenocdit serbosllav; t’u kutojmë shqiptarëve vazhdimisht dhe pandëprerë Veprën e Madhe e të jashtëzakonshe të Heroit kombëtar Adem Jashari, vepër e cila të shërbejë për brezat si frymëzim por edhe si detyrë për t’i shërbyer Kombit dhe Atdheut.

Vepra e Adem Jasharit nuk u pëlqen atyre të cilëve nuk u ka pëlqyer dhe nuk e kanë dashur lirinë dhe pavarësinë e Kosovës; nuk u pëlqen ishspiunëve dhe as tradhëtarëve të djeshëm e të sotëm; nuk u pëlqen as hajdutëve dhe të korruptuarve; nuk u pëlqen nostalgjikëve të administratës së ishkolonizatorir serb; as nostalgjikëve politiko-fetarë të ishregjimit komunist jugosllav.

Nuk e duan pavarësinë e Kosovës ata që thone se serbët i kemi vëllezër nga feja, kur dihet mirë se feja dhe deviza e Kishës serbe dhe ajo e serbëve është antishqiptarizmi.