Besnik Bislimi për provokimin në Bujanoc: Kërcënim e represion kundër shqiptarëve
Read Time:39 Second
Zëvendëskryeministri i parë, Besnik Bislimi ka reaguar për mesazhin provokues antishqiptar në Bujanoc, të cilën e quajti si pjesë të një modeli më të madh kërcënimesh dhe represionesh kundër shqiptarëve në Luginën e Preshevës.
“Vdekje shqiptarëve, nuk ju duam, Kosova është Serbi!’ Një tjetër mesazh urrejtës është gjetur sot në hyrje të repartit të fëmijëve në Bujanoc. Ky nuk është një incident i izoluar, por pjesë e një modeli më të madh kërcënimesh dhe represionesh kundër shqiptarëve në Luginën e Preshevës”, ka shkruar ai në X.
Mesazhi antishqiptar është gjetur në Shtëpinë e Shëndetit në Bujanoc, teksa bëhet thirrje për vdekje të shqiptarëve dhe mohohet shtetësia e Kosovës. Ndaj këtij provokimi kanë reaguar edhe deputeti i vetëm shqiptar në Kuvendin e Serbisë, Shaip Kamberi politikanë tjerë shqiptarë në Luginë.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating