Bislimi: Çelësi i zgjidhjes përfundimtare të dialogut me Serbinë është Lugina e Preshevës
Read Time:1 Minute, 3 Second
Faton Bislimi nga Liga Qytetare Shqiptaro-Amerikane, sot ishte prezent në Prishtinë ku u takuan përfaqësuesit e Luginës së Preshevës me udhëheqës të Ligës Qytetare Shqiptaro-Amerikane, Kongresistit DioGuardi dhe znj. Shirley Cloyes DioGuardi
Pas takimit, z.Bislimi përmes një postimi ka deklaruar se “e kam thënë dhe po e përsëris që çelësi i zgjidhjes përfundimtare të procesit të dialogut me Serbinë është Lugina e Preshevës”.
Lobisti Faton Bislimi ka bërë të ditur se në takimin e sotshëm në Prishtinë në mes të udhëheqësve të Ligës Qytetare Shqiptaro-Amerikane, Kongresistit DioGuardi dhe znj. Shirley Cloyes DioGuardi, dhe përfaqësuesit poltikë të Luginës “u rikonfirmua angazhimi i vazhdueshëm i lobit tonë në Washington, DC, për të siguruar, më së paku, trajtim të barabartë të shqiptarëve në Luginë me serbët në Kosovë”.
“Sigurimi i paqës dhe stabilitetit afatgjatë në Ballkan kalon nëpër Luginë të Preshevës. Kjo rrugë mund dhe do të trasohet vetëm nga SHBA-të” ka përfunduar zoti Bislimi
Kujtojmë se Faton Bislimi është një nga lobistët më aktiv të çështjes shqiptare në SHBA. Ai njihet si mik i madh i Luginës së Preshevës dhe për asnjë moment nuk e ka ndalur aktivitetin e tij për çështjen shqiptare në Luginë.
Bislimi njihet edhe si bashkëpunëtor dhe i afërt i Presidentit Biden.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating