Delegacioni i Kosovës në AP të NATO-s: Vendimi i sotëm, shenjë e mirë
Read Time:1 Minute, 13 Second
Kryesuesi i Delegacionit të Kuvendit të Kosovës në Asamblenë Parlamentare të NATO-s, Driton Hyseni, pas avancimit të statusit të Kosovës në AP të NATO-s, ka thënë se kjo është shenja më e mirë që ka mundur t’i vijë Kosovës në këtë moment kur bota është në një situatë të papritshmërive të shumta.
“Tani jemi më afër vetë strukturës së Asamblesë Parlamentare të NATOS, jemi të avancuar në nivele që na mundësojnë një përfaqësim më të fuqishëm të Republikës në kuadër të Asamblesë Parlamentare të NATO-s, t’i shtyjmë bashkërisht vlerat që ka NATO-ja. Unë ndjehem shumë i nderuar nga të gjithë delegatët e asamblesë të cilët kanë votuar pro dhe kanë mbështetur punën e delegacionit dhe e kanë mbështetur Kosovën dhe institucionet e saj të cilat janë të angazhuara maksimalisht në shtyrjen përpara të vlerave të NATO-s, përqafimin e tyre promovimin e tyre. Kjo është shenja më e mirë që ka mundur t’i vijë Kosovës në këtë faze, në këtë moment kur bota është në një situatë të papritshmërive të shumta”, deklaroi Driton Hyseni, kryesues i delegacionit.
Kurse Xhavit Haliti, anëtar i delegacionit, tha se kjo është shkalla e dytë para se të merren vendimet e mëdha të NATO-s, që Kosova ta merr një status tjetër.
“Besoj se çdo qytetarë i Kosovës është i gëzuar sepse NATO ka një simpati të jashtëzakonshme dhe shqiptarët e Kosovës janë pro NATO-s pothuajse të gjithë”, tha Haliti.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating