Derisa Serbia synon destabilizimin e Kosovës, ajo në vazhdimësi shkel të drejtat e shqiptarëve të Luginës së Preshevës
Derisa Serbia përmes serbëve në veri po synon destabilizimin e Kosovës, në Luginë të Preshevës, ky shtet në vazhdimësi shkel të drejtat e shqiptarëve duke i diskriminuar ata në shumë fusha. Shqiptarët që jetojnë atje po i bëjnë thirrje Kosovës dhe Shqipërisë që ta ngritin zërin kundër diskriminimit.
Shqiptarët në tri komunat e Luginës së Preshevës ankohen se po përjetojnë një diskriminim të vazhdueshëm nga Serbia. Të drejtat e tyre ndryshe nga ligjet e shkruara në vazhdimësi shkelen. Derisa me diskriminimin thonë se po përballen në çdo hap, ata përmendin disa nga sfera ku janë më të diskriminuar.
E një konstatim mbi shkeljen e të drejtave të shqiptarëve e ka dhënë edhe Këshilli për të Drejtat e Njeriut i Luginës së Preshevës.
Për të parandaluar shkeljen e të drejtave të tyre, qytetarët konsiderojnë se një kontribut mund ta japin dy qeveritë shqiptare ajo e Kosovës dhe Qeveria e Republikës së Shqipërisë të cilën madje e obligon edhe kushtetuta e saj për mbrojtjen e të drejtave të shqiptarëve kudo ku ata jetojnë.
/RTK/
