John Bolton: Nuk jam ai që propozova idenë e shkëmbimit të territoreve mes Kosovës dhe Serbisë
John Bolton i cili shërbeu si këshilltar për Siguri Kombëtare i ish-presidentit amerikan Donald Trump, gjatë një interviste dhënë për Foreign Press Association, ka folur për idenë e shkëmbimit të territoreve mes Kosovës dhe Serbisë.
Ai është pyetur në mënyrë direkte nëse ishte ai që propozoi idenë e shkëmbimit të territoreve mes Kosovës dhe Serbisë, duke theksuar se ai nuk e kishte propozuar atë, pasi një gjë e tillë tashmë ishte diskutuar.
“Në aspektin politik është dëshmuar si diçka e pamundur në fillim në Kosovë dhe më vonë në Serbi”, shtoi diplomati amerikan.
Bolton foli për momentin kur Tony Blair kishte kërkuar të takohet me të dhe të diskutojë për këtë ide që tashmë po qarkullonte.
Ish-këshilltari i Trumpit tha se Blairit i ishte përgjigjur njëjtë siç kishte deklaruar ish-Sekretari amerikan i Shtetit, James Baker, kur foli për problemin Izrael-Arabi duke theksuar se “nuk mund ta duam paqen më shumë se vetë palët e përfshira”, transmeton Telegrafi.
“Pra asnjë zgjedhje nuk do t’ju imponohej palëve, por nëse ata pajtoheshin, do ta mbështesnim”, theksoi ai.
“Shumë njerëzve nuk u pëlqen ideja e shkëmbimit të territoreve sepse mund të destabilizojë pjesët tjera të Ballkanit. Pika kyçe që duhet theksuar se ka pasur një lloj dakordance paraprake kur filloi të flitej për shkëmbimin e territoreve mes Kosovës dhe Serbisë”, shtoi Bolton.
“Derisa të dyja palët pajtohen dhe nuk ka imponim me forcë, shkëmbimet e territoreve mund të ndodhin çdo herë”, tha ndër tjera ish-këshilltari për Siguri Kombëtare.
https://www.youtube.com/embed/KGjp4jO4V4E?
Më shumë storie
Bashkimi Evropian: Serbia shkeli marrëveshjen, të lejojë menjëherë lëvizjen e lirë
Bashkimi Evropian e ka vlerësuar shkelje të Marrëveshjes për Lirinë e Lëvizjes veprimin e autoriteteve të Serbisë, e cila ka...
Gjenerali i NATO-s: Duhen dërguar më shumë trupa dhe artileri në Kosovë
Gjenerali Christopher Cavoli, Komandanti Suprem i Aleatëve i NATO-s për Evropën, ka autorizuar që të dërgohen më shumë trupa të...
Viola Von Cramon: Mezi pres ta shoh Kosovën si anëtare të plotë në KiE
Raportuesja për Kosovën në Parlamentin Evropian, Viola von Cramon,e ka quajtur hap të rëndësishëm mbështetjen e Asamblesë Parlamentare të Këshillit...
Asambleja Parlamentare e Këshillit të Evropës voton PRO anëtarësimit të Kosovës në KiE
Asambleja Parlamentare e Këshillit të Evropës (APKiE) miratoi Opinionin pozitiv për anëtarësimin e Kosovës si shtet anëtar. Ky opinion rekomandon...
Ariana Shoshi-Musliu optimiste për pranimin e Kosovës në KiE
Të hënën Komiteti për Barazi dhe Mos diskriminim, te pika e katërt e rendit të ditës ka diskutuar raportin për...
Emmanuel Macron: I nevojshëm normalizimi i marrëdhënieve mes Kosovës dhe Serbisë
Presidenti francez, Emmanuel Macron, tha se në të gjitha çështjet rajonale është i nevojshëm normalizimi i marrëdhënieve mes Serbisë dhe...
Average Rating