KDI: Albin Kurti të raportojë në Kuvend për dialogun
Read Time:1 Minute, 0 Second
Instituti Demokratik i Kosovës, e mirëpret informimin e kryeministrit Kurti dhe zëvendëskryeministrit Bislimi në konferencën për media sot, gjatë së cilës u shpalosën detaje rreth zhvillimeve në takimin e fundit në kuadër të dialogut Kosovë-Serbi.
Sipas KDI-së, paraqitja e ekzekutivit në konferenca për media pas takimeve në kuadër të dialogut është pozitive, por nuk mund të jetë zëvendësim për obligimet kushtetuese ndaj institucionit të Kuvendit, në përputhje me parimet demokratike të ndarjes dhe balancimit të pushteteve.
”Informimi i publikut rreth zhvillimeve në procesin e dialogut Kosovë-Serbi është thelbësor në garantimin e transparencës dhe llogaridhënies publike si dhe rritjen e besimit qytetar në këtë proces. Megjithatë, kjo nuk e aminston Kryeministrin nga përgjegjësia që pas deklarimeve të sotme alarmante, të raportojë sa më shpejt para Kuvendit të Kosovës, si institucioni më i lartë mbikëqyrës i politikës së jashtme. Raportimi i Kryeministrit para Kuvendit përveç që është detyrë kushtetuese, është jetik për të mirëmbajtur një standard të qeverisjes demokratike dhe të përgjegjshme. Në këtë drejtim edhe subjektet politike opozitare duhet të ushtrojnë rolin e tyre parlamentar që të mbajnë llogaridhënës ekzekutivin, duke kërkuar raportime të rregullta të Kryeministrit rreth dialogut me Serbinë”, thuhet në komunikatën e dërguar për media.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating