Komuna e Prishtinës kërkon që nesër ora e parë e mësimit t’i kushtohet UÇK-së
Komuna e Prishtinës u është drejtuar të gjitha shkollave të kryeqytetit me kërkesën që nesër ora e parë mësimore t’i kushtohet Ushtrisë Çlirimtare të Kosovës, historisë së luftës për çlirim dhe kontributit të çlirimtarëve për lirinë dhe shtetndërtimin e Kosovës.

Në kërkesën e Drejtorisë së Arsimit thuhet se gjatë kësaj ore me nxënësit duhet të trajtohet rrugëtimi i vështirë drejt lirisë dhe shtetndërtimit, si dhe sakrificat e popullit të Kosovës.
“Në kuadër të kësaj ore, ju ftojmë që me nxënësit të trajtoni në mënyrë të përshtatshme për moshën e tyre, rëndësinë e luftës së UÇK-së, sakrificën e qytetarëve dhe të gjithë atyre që kontribuuan për çlirimin e Kosovës, si dhe proceset gjyqësore në Hagë ndaj ish-krerëve të UÇK-së, përfshi edhe vendimin që pritet të merret”, thuhet në kërkesën e DKA-së.
Ndërkaq, drejtori i Arsimit në Prishtinë, Arianit Elshani, ka thënë se shkollat e kryeqytetit kanë kaluar periudha të vështira edhe gjatë funksionimit të sistemit paralel të arsimit.
“Hashim Thaçi, Kadri Veseli, Jakup Krasniqi dhe Rexhep Selimi kanë luftuar për liri, për paqe, për ardhmërinë e këtij vendi. Shkollat tona kanë punuar edhe në sistemin paralel, prandaj puna do të vazhdojë, por me sytë atje në Gjykatën e Hagës, ku po presim lirimin e heronjve tanë”, ka deklaruar Elshani.
Kjo orë mësimore është planifikuar të zhvillohet nesër në shkollat e kryeqytetit si “Ora e UÇK-së”.
Më shumë storie
Xhaferr Deva, simbol i nacionalizmit – Komunistët shqiptarë ideologji e antikombëtarizmit
Skënder Sadri KAPITI “Xhaferr Deva nuk blihet me para se është i pasur. Deva është armiku ynë i përbetuar.Deva duhet vrarë”.-...
Triumfi i Kombit: Shqipëria dhe Kosova duhet të çlirohen nga diktatura e krimit dhe e korrupsionit
Nga Skënder Sadri KAPITI Durrës, 25 o4 2018. Diktaturë, do të thotë shfrytëzim i pakufishëm i fuqisë nga dikush, nga...
Shaip Kamberi: Presim zgjidhje konkrete nga institucionet e reja të Serbisë
Me dy deputetë në përbërjen e re të Kuvendit të Serbisë, shqiptarët e Luginës së Preshevës kanë dyfishuar përfaqësimin e...
PROF. SAFETE ROGOVA – FIGURË E SHQUAR E ARTIT SKENIK, E EMANCIPIMIT SHOQËROR DHE E AVANCIMIT TË GRUAS SHQIPTARE
Hysen Ibrahimi - Në Librarinë "Dukagjini", në qendër të Prishtinës, në përurimin e librit "Mrikë, jeta ime II – Letra...
Vlora Çitaku: E turpshme dhe e papranueshme
Ushtruesja e detyrës së kryetares së PDK-së, Vlora Çitaku, e ka cilësuar të turpshëm dhe të papranueshëm aktgjykimin e Gjykatës...
OVL e UÇK-së: Vendim i papranueshëm
Organizata e Veteranëve të Luftës së Ushtrisë Çlirimtare të Kosovës (OVL e UÇK-së) ka reaguar pas vendimit të sotëm ndaj...

Average Rating