Kosova në futboll, e ka mposhtur Izraelin, me rezultat 1-0
Sot në stadiumin “Fadil Vokrri”, Kosova e ka mposhtur Izraelin, me rezultat 1-0, , ndeshje kjo në kuadër të kualifikueseve për Evropianin “Gjermania 2024”.
Përballja mes Dardanëve dhe izraelitëve, është luajtur në një terren të vështirë dhe në pranin e rreth 5 mijë tifozëve.
Dardanët bënë një ndeshje mjaft të mirë, ndonëse me disa mungesa të disa lojtarëve tonë për shkak të angazhimeve të tyre me klubet përkatëse.
Futbollistët tanë në pjesën e parë, kishin iniciative në terren, e kërkuan më shumë golin të cilin e gjetën përmes Milot Rashicës në minutën e 41-të, rezultat më të cilin skuadrat shkuan në pushim.
Edhe në pjesëlojën e dytë, përfaqësuesja e Kosovës u shfaq disa herë e rrezikshme, duke krijuar disa raste të mira përmes Vedat Muriqit, Milot Rashicës dhe Krasniqit, por që në momentet vendimtare nuk u treguan të sakta në rastet e krijuara.
Edhe skuadra Izraelite me të gjitha forcat e saj kërkoi rrugën e golit, megjithatë, mbrojtja jonë assesi nuk u thye.
Përfundimisht Kosova mund Izraelin me rezultat 1-0, dhe kjo është fitorja e dytë e Kosovës në këtë cikël të garave.
Kosova tani ka dhjetë pikë në vendin e katërt, një me pak se Izraeli, kurse, Romania kryeson Grupin I me 16 pikë, një më shumë së Zvicra.
Kosova sfidën e radhës do ta luajë me 18 nëntor në Bazel kundër Zvicrës.
