Liga e Kombeve: Kosova mposht Qipron, me rezultat 0-4
Read Time:54 Second
Përfaqësuesja e Kosovës pas humbjes nga Rumania, ka shkëlqyer në duel me Qipron.
Dardanët mposhtën në udhëtim Qipron, me rezultat 0-4, të hënën mbrëma në kuadër të xhiros së dytë në Ligën e Kombeve.
Futbollistët e Kosovës, gjatë terë duelit ishin më të mirë se qipriotët duke dominuar në terren dhe duke e dërguar katër herë topin në rrjetë.
Asi i Kosovës, Vedat Muriqi shënoi dygolësh në minutën e 9-të dhe 21-të, rezultat më të cilin edhe u mbyll pjesëloja e parë.
Të besuarit e Franco Foda-s edhe në fraksionin e dytë të ndeshjes ishin dukshëm skuadër më e mirë në terren se sa qipriotit, duke u shfaqur skuadër më e rrezikshme dhe duke realizuar edhe dy gola.
Fillimisht i sapofuturi në lojë Albion Rrahmani në minutën e 48-të ngriti avantazhin e Kosovës në 0-3, derisa goditjen e fundit skuadrës qipriote ua dha Lumbardh Dellova në minutën e 55-të.
Përfundimisht Kosova bëri paraqitje mjaft të mirë në duel me Qipro duke arritur fitoren e parë në këtë edicion të garave në Ligën e Kombeve.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating