![](http://www.kosovalindore.com/wp-content/uploads/2022/10/Armend-Mehaj-ne-SHBA.jpg)
Ministri i Mbrojtjes, Mehaj në SHBA: Shpejtoni procedurat, duam të blejmë shpejtë armatime moderne për FSK
Ministri i Mbrojtjes, Armend Mehaj, i cili është për një vizitë zyrtare në Shtetet e Bashkuara të Amerikës, ka realizuar një takim me ushtruesin e detyrës së Ndihmës Sekretarit të Ushtrisë për Blerje, Logjistikë dhe Teknologji në Departamentin e Mbrojtjes të SHBA-së, Douglas Bush, ku ka diskutuar për nevojat e Forcës së Sigurisë së Kosovës për armatime.
Takimin në fjalë e ka lajmëruar vetë Mehaj përmes një statusi në rrjetin e tij social në Facebook.
Sipas Mehaj, ai gjatë bisedës me Bush ka diskutuar edhe për përshpejtimin e procedurave të prokurimit për blerje të armatimit dhe për rëndësinë e rritjes së trajnimeve.
“Furnizimi i Forcës së Sigurisë së Kosovës me pajisjet më moderne ushtarake është synimi ynë. Me Bush diskutuam rreth nevojave të FSK-së për armatime, rëndësisë së përshpejtimit të procedurave të prokurimit të këtyre pajisjeve, si dhe rëndësinë e thellimit të bashkëpunimit duke rritur numrin e trajnimeve, shkollimin e oficerëve dhe stërvitjeve të përbashkëta”, ka shkruar Mehaj.
Mehaj ka shtuar se Bushin e ka njoftuar edhe për përgatitjet e Forcës së Sigurisë së Kosovës për ushtrimin “Defender 23” ku do të marrë pjesë me mbi 1 mijë e 300 ushtarë.
“FSK-ja është e përkushtuar për plotësimin e të gjitha standardeve të NATO-s në fushën ushtarake, dhe po ashtu është gjithmonë e gatshme të marr pjesë në misione paqeruajtëse dhe humanitare përkrah aleatëve tanë”, ka shkruar ai.
Më shumë storie
Lojërave Olimpike Paris 2024: Ekipi i Kosovës parakalon në ceremoninë e hapjes së Lojërave Olimpike
Ekipi i Kosovës ka parakaluar në ceremoninë e hapjes së Lojërave Olimpike Paris 2024. Flamuri i Kosovës është mbajtur nga xhudistët Nora...
Biden tërhiqet nga rikandidimi për president të SHBA-së
Presidenti i SHBA-së, Joe Biden përmes një deklarate të publikuar në platformën ‘X’ ka bërë të ditur vendimin e tij...
Gjykata Ndërkombëtare e Drejtësisë: Okupimi i territoreve palestineze nga Izraeli është i paligjshëm
Gjykata më e lartë e Organizatës së Kombeve të Bashkuara, në opinion e dhënë të saj ka thënë se okupimi...
Josep Borrell: Duhet angazhim në arritjen e një marrëveshjeje gjithëpërfshirëse, ligjërisht obliguese
Shefi i diplomacisë të Bashkimit Evropian, Josep Borrell, ka diskutuar në Bruksel me ministrin e Jashtëm të Serbisë, Marko Gjuriq,...
Lojërat Olimpike `Parisi 2024`: Ekipi olimpik i xhudos i Kosovës niset për në Paris
Komiteti Olimpik i Kosovës (KOK), njofton se ekipi olimpik i xhudos është nisur sot drejt Parisit të Francës, me synimet...
Hagë: Specialja e shpall fajtor dhe e dënon Pjetër Shalën me 18 vjet burgim
Trupi gjykues i Dhomave të Specializuara të Kosovës në Hagë, e ka shpallur fajtor për krime lufte dhe e ka...
Average Rating