Mustafi: Shqiptarët e Luginës me asnjë kusht nuk do ti përgjigjen shërbimit në Ushtrinë serbe

Ragmi Mustafi, këshilltar politik i zëvendëskryeministrit të Kosovës, Besnik Bislimi, ka thënë se shqiptarët e Luginës së Preshevës do ta refuzojnë detyrimin ushtarak në Serbi, si kundërpërgjigje ndaj mendësisë e të rikthyerit në të kaluarën e përgjakshme.

Kështu ka shkruar ai në llogarinë e tij në Facebook, pas raportimeve se Serbia paralajmëron rikthimin e shërbimit ushtarak të detyrueshëm.

“Në vend të paqes e drejtësisë, paralajmëron rikthimin e shërbimit ushtarak të detyrueshëm pushteti i Vuçiqit. Në vend që të kultivojë fqinjësinë e mirë dhe stabilitetin rajonal, ndërmerr veprime luftënxitëse. Në vend të demokracisë dhe bashkëpunimit, kërcënon dhe cenon sigurinë gjithandej rajonit. Shqiptarët e Luginës së Preshevës do ta refuzojnë detyrimin ushtarak në Serbi, si kundërpërgjigje ndaj mendësisë e të rikthyerit në të kaluarën e përgjakshme”, ka shkruar ai.

Edhe Shaip Kamberi ka reaguar ashpër ndaj idesë së regjimit serb për rikthimin e shërbimit të detyrueshëm ushtarak duke ja bërë me dije Serbisë se shqiptarët do ta refuzojnë shërbimin në këtë ushtri

Lini një Përgjigje

Previous post Bislimi takon ministrin shqiptar, Igli Hasani, flasin për shqiptarët në Luginë
Next post Kadri Kryeziu: Kryetarët në komunat e veriut është dashur të japin dorëheqje