Në Marinë të Skenderajt u mbajtën homazhe për nder të Epopesë
Read Time:56 Second
Me homazhe te varrezat e dëshmorëve në Marinë të Skenderajt ka vazhduar edhe dita e dytë e Epopesë së UÇK-së. Në mesin e pjesëmarrësve ishte edhe Halil Krasniqi, babai i dëshmorit Mujë Krasniqi, i cili u përkul me krenari dhe mall para varrit të birit të tij.
Në nderim të Epopesë së Ushtrisë Çlirimtare të Kosovës, sakrificës së familjes Jashari dhe të të gjithë të rënëve për liri, homazhe u bënë edhe në kompleksin memorial të dëshmorëve në Marinë të Skenderajt. Aty erdhi edhe babai i dëshmorëve Mujë e Ali Krasniqi, Halili.
Homazhe bënë edhe bashkëluftëtarë, familjarë e qytetarë nga vise të ndryshme.
Për ta nderuar sakrificën e të rënëve për liri, homazhe bënë edhe shoqatat e dala nga lufta dhe kryetari i Drenasit, Ramiz Lladrovci, si dhe Xhavit Jashari, kryetar i Shoqatës së Familjeve të Dëshmorëve të UÇK-së.
Një ditë më parë, në këtë kompleks, homazhe u bënë edhe nga komuna e Skenderajt, ku u vlerësua lart lufta dhe sakrifica e komandantit legjendar, Adem Jashari, e familjes së tij dhe e të gjithë dëshmorëve të rënë për lirinë e Kosovës.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating