Prokuroria e Kosovës: Arrestohet Naim Murseli, dyshohet për vrasjen e bashkëshortes

Prokurorja e Prokurorisë Speciale nga krimet e rënda, Besa Limani, ka konfirmuar për RTK-në se njëri prej të arrestuarve është bashkëshorti i së ndjerës, Liridona Murseli, kurse tjetri është personi që dyshohet se e ka vrarë atë.

“Ende nuk dihen motivet. Ende nuk është caktuar masa e paraburgimit”, ka deklaruar prokurorja Besa Limani.

Kurse Policia e Kosovës ka bërë të ditur se ka konfiskuar një armë, me të cilën besohet se është kryer vrasja e Liridona Murselit, të mërkurën në mbrëmje.

Lidhur me këtë ngjarje, përmes rrjetit social Facebook, ka reaguar edhe ministrja e Drejtësisë, Albulena Haxhiu, e cila falënderoi angazhimin e policisë dhe të prokurorisë në zbardhjen e këtij rasti të rëndë.

Njëherësh, Policia e Kosovës ka njoftuar të premten se kanë arrestuar dy persona të cilët lidhen me vrasjen e një gruaje në rrugën “Dalip  Alshiqi” në Prishtinë të mërkurën në mbrëmje.

Mësohet se njëri nga të arrestuarit është Naim Murseli, bashkëshorti i të gruas së vrarë, Liridona Murselit, dhe një person tjetër.

Lini një Përgjigje

Previous post Vrasja e Liridonës, Pacolli: Aktorët e krimit të marrin dënimin maksimal
Next post Kurti nga Gjilani: J<strong>emi të interesuar që t’i mbështesim shqiptarët e Luginës së Preshevës në çdo aspekt</strong>