Real Madridi mposht Barcelonën, me rezultat 3-1
Dy rivalët e përbetuar, Real Madrid dhe Barcelona u përballen në ‘Bernabeu’ në ‘El Clasico-n’ e parë të këtij sezoni në kuadër të La Ligës.
Skuadra e Carlo Ancelottit u shfaq ekip më i mirë se katalonasit, sidomos në pjesën e parë, kur edhe shënuan dy gola përmes Karim Benzema (12’) dhe Valverde (35’), rezultat më të cilin skuadrat shkuan në pushim.
Lojë mjaft interesante është luajtur edhe në fraksionin e dytë. Skuadra e Xavit më të gjitha forcat e kërkonte rrugën e golit, të cilin e gjetën me rezervistin Ferran Torres (83’).
Dhe kur pritej një finish dramatik, pasi Barcelona bënte presion të madh drejt portës madrilene, vjen goli i Realit përmes Rodrygo (90+1’), i cili shënoi nga penalltia duke i dhënë goditjen e fundit Barcelonës në këtë supersfidë.
Përfundimisht Reali mund Barçën dhe merr kreun e tabelës me 25 pikë të tubuara, tri më shumë së Barcelona.
