Triumfi i Kombit: Gazeta “SOT” po e shkruan në kujtesën kombëtare epopenë e protestave rinore, qytetare e patriotike

Read Time:1 Minute, 19 Second

Nga Skënder Sadri KAPITI

Unë mbështes protestat e rinisë ,studentëve dhe të elitës qytetare patriotike që po mbahen prej 13 ditësh në Tiranë.Ashtu sikurse i mbështes ato, unë falenderoj dhe i jam mirënjohës faktit se Gazeta “SOT” si gazetë e vërtetë patriotike, e lirë , demokratike dhe e paanshme , është e vetmja gazetë e shkruar në Shqipëri e cila po i pasqyron këto protesta, dhe është e vetmja gazetë në Shqipëri e cila boton shkrime dhe publicistikë të autorëve të paktë që po e mbështesin këtë protestë.

Ky qëndrim guximtarie dhe fisnikërie mediatike i kësaj Gazete , verteton edhe faktin se përse kësaj gazete iu vendos embargo nga televizionet shqiptare për të mos e lexuar faqen e parë të saj në emisionet e mëngjezit.

Protesta që po mbahen sot , kauzat e saj kanë qenë gjithmonës kauza të Gazetës “SOT” e cila ka qenë gjithmonë tribunë e interesave kombëtare kundër tradhtisë, korrupsionit, hajdutërisë dhe arrogancës politike; ka qenë gjithmonë zë kritik i fuqishëm kundër gjithë elitës politike të tranzicionit,kundër të gjitha qeverisjeve të regjimit të sitemit të korrupsionit në Shqipëri, dhe prandaj është edhe gazeta e shqiptarëve dhe jo e hajnave, oligarkëve dhe as e tradhëtarëve.

Ashtu sikurse këto protesta tashmë po bëjnë Epokë, na takon neve gazetarëve, intelektualëve, analistëve dhe opinionistëve patriotë që ta falenderojmë këtë kontribut dhe meritë të gazetës “SOT” e cila po e shkruan dhe po e përjetëson në memorien historike kombëtare këto protesta për “Shqipërinë e Re” , për “Triumfin e Kombit”, për Bashkimin Kombëtar.