Turqia dhe Holanda kan kaluar në çerekfinale të Euro 2024

Read Time:1 Minute, 53 Second

Turqia ka kaluar në çerekfinale të Euro 2024 pas një fitore kundër Austrisë në 1/16 e finales.

Ndeshja, e zhvilluar në “Red Bull Arena Leipzig” është mbyllur me triumfin e turqve me rezultatin 2-1.

Heroi i kësaj përballje ishte Demiral, i cili ka realizuar dy gola për skuadrën turke.

Demiral ka shënuar golin e parë që në minutën e parë të ndeshjes dhe e ka dyfishuar avantazhin në minutën e pesëdhjetë e nëntë.

Austria ka pasur disa raste të mira për të barazuar, me Arnautovic dhe Laimer që krijuan mundësi të rrezikshme, por pa arritur të shënojnë.

Ngushtimi i rezultatit ka ardhur nga Gregoritsch në minutën e gjashtëdhjetë e gjashtë, por përpjekjet e vazhdueshme të austriakëve për ta barazuar ndeshjen deri në sekondat e fundit nuk kanë pasur sukses. Rastin më të mirë e ka pasur Baumgartner, por pa rezultat.

Në çerekfinale Turqia do të përballet me Holandën.

Holanda ka siguruar një vend në çerekfinale të Euro 2024, pasi ka eliminuar Rumaninë në 1/16 e finales me një fitore 3-0 në “Allianz Arena”.

“Tulipanët” do të përballen në fazën e ardhshme me fituesin e takimit Austri – Turqi.

Ndeshja ka filluar me iniciativën e holandezëve, të cilët kaluan në avantazh në minutën e njëzetë falë një goli të shënuar nga Gakpo.

Holanda ka vazhduar ta dominojë ndeshjen dhe pati një moment të mirë kur Dumfries ka nisur një top në drejtim të Depay, por që mbrojtësi rumun Dragușin e ka ndërprerë aksionin.

Holandezët kanë vazhduar ta kenë fjalën kryesore edhe në pjesën e dytë.

Virgil van Dijk ka realizuar një goditje me kokë, por topi është përplasur me shtyllën.

Më vonë, Gakpo e ka dërguar topin në rrjetë përsëri, por goli është anuluar nga VAR për shkak të pozicionit jashtë loje.

Holanda e ka rritur epërsinë në minutën e tetëdhjetë e dytë, kur Malen ka shënuar golin e dytë pas një asisti nga Gakpo.

Malen nuk është mjaftuar me një gol. Në kohën shtesë ai është bërë protagonist i golit edhe njëherë, pasi paraprakisht skuadra holandeze ka bërë një kundërsulm pas një dështimi të një aksioni nga ekipi rumun.