Zubin Potok: KFOR konfirmon se afër një patrulle të tyre ka pasur të shtënaZubin Potok:
Read Time:1 Minute, 7 Second
KFOR-i ka dhënë detaje lidhur me sulmin në rrethinën e Zubin Potokut. Në përgjigjen për RTKlive, KFOR ka thënë se afër një patrulle të tyre ka pasur të shtëna.
“Në këtë moment mund të konfirmoj se para disa orësh një patrullë e KFOR-it, derisa ishte në detyrë në rrethinën e Zubin Potokut, ka dëgjuar dhe parë disa të shtëna afër tij. Të lënduar nuk ka dhe nuk ka dëme materiale. Tani po i kontrollojmë faktet dhe do t’ju përditësojmë”.
Policia e Kosovës ka konfirmuar se nuk ka pasur sulm ndaj Policisë në Zubin Potok.
Sipas njoftimit të Policisë, gjithashtu nuk ka pasur as ndonjë shkëmbim zjarri mes Policisë së Kosovës, apo ndonjë grupi.
”Referuar pyetjeve të shumta adresuar Policisë së Kosovës se, a është sulmuar Policia në Zubin Potok, apo a ka pas shkëmbim të zjarrit mes Policisë dhe grupeve kriminale, ju informojmë se; Nuk ka pasur ndonjë sulm ndaj Policisë së Kosovës, e as nuk ka pasur ndonjë shkëmbim zjarri mes Policisë së Kosovës, apo ndonjë grupi, PK-ja nuk ka pasur shkëmbim zjarri ndaj askujt”, thuhet në reagimin e Policisë.
Eksperti i çështjeve të sigurisë, Agim Musliu, në një shkrim në twitter ka thënë se “Krahas sulmit të Policisë së Kosovës, tani kriminelët serbë në veri të Kosovës të mbështetur nga rusët kanë sulmuar njësinë letoneze të KFOR-it”.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating