Albin Kurti: Nuk kam marrë kurrfarë ultimatumi
Kryeministri i Kosovës, Albin Kurti mohoi se të ketë marrë ultimatume nga i Dërguari Special i SHBA-së, Gabriel Escobar dhe ai i BE-së, Miroslav Lajçak.
Në një adresim për media pas aktivitetit të xhudos që u mbajt në palestrën “Minatori”, i pari i Qeverisë tha se në takim me emisarët ofroi një mënyrë të sigurt për dalje të qëndrueshme nga kriza në veri.
“Nuk kam marrë kurrfarë ultimatumi. U takuam me emisarët dhe u kam ofruar mënyrën e sigurt se si të kemi një dalje të qëndrueshme nga kriza në veri të Kosovës, e shkaktuar nga strukturat ilegale. Së pari është sundimi i ligjit, kemi me dhjetëra ushtarë të NATO-s, policë të Kosovës dhe gazetarë që ishin viktima të një egërsie të paparë të ekstremistëve të dhunshëm”, u shpreh Kurti.
Marrëveshja për shtensionimin e situatës në veri të Kosovës duhet të arrihet më së largu deri sot, ka porositur të martën emisari i SHBA-së, Garbiel Escobar.
Këto deklarata të Escobar erdhën pas takimit që ai së bashku me Mirolav Lajçak dhe me pozitën, opozitën dhe gazetarët ne Kosovë.
Escobar ka deklaruar dje se ai dhe Lajçak të premten duhet t’u raportojnë raportojnë udhëheqësve të tyre nëse ishin të suksesshëm apo jo, ndërsa paralajmëroi në rast dështimi do të ketë pasoja.
Në anën tjetër, raportimet e sotme thonë se SHBA-ja po përgatit një rund sanksionesh të papara më parë ndaj Kosovës, në të cilat përfshihen shpallja non-grata e kryeministrit Albin Kurti dhe ministrit të Brendshëm Xhelal Sveçla, ngrirja e procesit të liberalizimit të vizave, ngrirja e fondeve amerikane dhe fondeve të BE-së, si dhe ngrirja e procesit të anëtarësimi në Këshillin e Evropës.
Më shumë storie
Donika Gërvalla: Letra për Këshillin e Evropës është zotim serioz
Zëvendëskryeministrja dhe Ministrja e Punëve të Jashtme dhe Diasporës, Donika Gërvalla në një konferencë për media, ka folur për letrën...
Policia e Kosovës ka gjetur dhe konfiskuar një sasi te armatimit në rrethinën e Zveçanit
Në një operacion policor, në veri të vendit, është gjetur dhe konfiskuar një sasi e armatimit në rrethinën e Zveçanit,...
Pas takimit, Kurti: Jam i gatshëm për të diskutuar datën e zgjedhjeve
Kryeministri Albin Kurti pas takimit me liderin e PDK-së, Memli Krasniqi ka thënë se është i gatshëm për të diskutuar...
Albin Kurti, QUINT-it: Dialogu dhe anëtarësimi në KiE nuk duhet të përzihen
Kryeministri i Kosovës, Albin Kurti, i shoqëruar nga zëvendëskryeministri i parë, Besnik Bislimi dhe zëvendësministri i Punëve të Jashtme dhe Diasporës,...
Kosova në Këshillin e Evropës, me apo pa kushte?
Kanë mbetur më pak se dy javë kur pritet të votohet për anëtarësimin e Kosovës në Këshillin e Evropës. Por,...
Robin Krasniqi nesër rikthehet në ring, i bindur për fitore
Boksieri i njohur nga Kosova, Robin Krasniqi nesër mbrëma do të rikthehet në ring. Krasniqi do të ndeshet me portugezin...
Average Rating