Albin Kurti për “France 24“ shprehet optimist për marrëveshje me Serbinë
Kryeministri Albin Kurti ka deklaruar se është “shumë optimist” se një marrëveshje që çon në normalizimin e plotë midis Kosovës dhe Serbisë mund të ndodhë “këtë vit”.
Gjatë një interviste për “France 24” me rastin e 15-vjetorit të Pavarësisë së Kosovës, i pari i ekzekutivit duke folur për takimin me presidentin serb Aleksandar Vuçiq në Bruksel, më 27 shkurt, shprehu keqardhjen që marrëdhëniet ndërmjet Kosovës dhe Serbisë “nuk janë normale” dhe pretendoi se Beogradi është izoluar duke “mos u shkëputur nga Kremlini”.
Duke folur për “France 24” gjatë Konferencës vjetore të Sigurisë në Munih, kryeministri Kurti tha se Vuçiq “në një masë të madhe po luan në duart e Putinit”.
Ai tha se lideri serb “ndonjëherë bën një gjest që tregon se ndoshta nuk është plotësisht në linjë me Putinin sepse dëshiron të marrë fondet e BE-së dhe tolerancën e SHBA-së”, pasi sipas tij ekonomia serbe, edhe pse kryesisht e varur nga nafta dhe gazi rus, është gjithashtu “e lidhur me Perëndimin”.
Duke iu kthyer luftës në Ukrainë, Kurti tha se Perëndimi duhet të sigurojë ndihmë shtesë për forcat ukrainase. Ai shtoi se kishte frikë se sulmet e mercenarëve të Grupit Wagner kundër Kosovës ishin “të mundshme”.
Kurti ka thënë se Kosova mbetet “vigjilente”, por “nuk ka frikë”.
Më shumë storie
Botuesi i gazetës “Illyria”, Vehbi Bajrami lobon për Kosovën në Kongresin Amerikan
Kërkon që Kongresi të angazhohet më shumë për Kosovën, të ndihmojë Ushtrinë dhe kapacitetet e saj mbrojtëse Nga Ruben Avxhiu...
Mirosllav Lajçak: Pa normalizimin e marrëdhënieve nuk ka të ardhme evropiane
Përfaqësuesi special i BE-së për dialogun ndërmjet Kosovës dhe Serbisë, Mirosllav Lajçak, ka thënë se në shoqëritë e Kosovës dhe...
Bashkimi Evropian: Serbia shkeli marrëveshjen, të lejojë menjëherë lëvizjen e lirë
Bashkimi Evropian e ka vlerësuar shkelje të Marrëveshjes për Lirinë e Lëvizjes veprimin e autoriteteve të Serbisë, e cila ka...
Gjenerali i NATO-s: Duhen dërguar më shumë trupa dhe artileri në Kosovë
Gjenerali Christopher Cavoli, Komandanti Suprem i Aleatëve i NATO-s për Evropën, ka autorizuar që të dërgohen më shumë trupa të...
Viola Von Cramon: Mezi pres ta shoh Kosovën si anëtare të plotë në KiE
Raportuesja për Kosovën në Parlamentin Evropian, Viola von Cramon,e ka quajtur hap të rëndësishëm mbështetjen e Asamblesë Parlamentare të Këshillit...
Asambleja Parlamentare e Këshillit të Evropës voton PRO anëtarësimit të Kosovës në KiE
Asambleja Parlamentare e Këshillit të Evropës (APKiE) miratoi Opinionin pozitiv për anëtarësimin e Kosovës si shtet anëtar. Ky opinion rekomandon...
Average Rating