Aleksandër Vuçiq: Shtetet më të fuqishme të BE-së në thelb kërkojnë njohjen e Kosovës

Presidenti i Serbisë, Aleksandër Vuçiq,  ka folur për dialogun me Kosovën, qasjen dhe kërkesat perëndimore ndaj Serbisë në raport me Kosovën.

Presidenti serb, Vuçiq ka theksuar se njohja e Kosovës, “është ajo çka thellësisht i kërkohet Serbisë nga shtetet më të fuqishme të Bashkimit Evropian”. Sipas tij, Evropa po ia kërkon në heshtje Serbisë ta njohë Kosovën.

Vuçiq ka thënë se një pjesë në Serbi mendon se është më mirë dorëzimi i Kosovës, pasi do të jetojmë më mirë.

“Cilat janë qëllimet kombëtare për ne? Përveç asaj që e dimë se nuk do ta njohim Kosovën e pavarur. Ne kurrë nuk do të pajtohemi për Kosovën. Nuk mund të gënjejmë veten se jemi dakord për atë çështje, sigurisht se nuk jemi. Sigurisht se një pjesë mendon ‘dorëzo Kosovën, do të jetojmë më mirë’, vetëm se ata nuk do ta thonë këtë, e të tjerët thonë ‘mbroje Kosovën’. Është një pengesë brenda vendit, për të mos folur për presionet e jashtme. Nuk të pyesin nëse i ke shmangur sanksionet. Cila është çështja për të cilën mund të biem dakord? A është çështja e anëtarësimit në BE? Atëherë dikush do të na pyesë ‘Evropa po na kërkon ta njohim Kosovën e pavarur’, po, po kërkon, në thelb fuqia më e madhe e Unionit po e kërkon këtë”, ka thënë Vuçiq.

Lini një Përgjigje

Previous post Ish-ushtari i UÇK-së transferohet në Qendrën e Paraburgimit në Beograd
Next post Josep Borell: Hap pozitiv vendimi i Kosovës dhe Serbisë për targat