
Ardita Sinani: Çështja e shqiptarëve të Luginës diskutohet në Senatin e SHBA-së
Të drejtat e shqiptarëve të Luginës së Preshevës vazhdimisht shkelen nga Serbia. Kështu është thënë mbrëmë në Senatin Amerikan senatori Bob Menendez, i cili ngriti si shqetësim çështjen e pakicës shqiptare në Serbi. Deklaratën e senatorit Mendez, e ka publikuar në facebook, Ardita Sinani, Ish-kryerja e Preshevës dhe tani këshilltare e kryeministrit Albin Kurti.
“Kisha fatin dhe nderin e veçantë që me 2 mars së bashku me delegacionin nga Lugina të takohem me Kryetarin për politikë të jashtme në Senatin amerikan, senatorin Bob Menendez. E pikërisht, në Hearing-un e mbajtur në Senat, senatori Menendez kërkoi nga administrata amerikane që të angazhohet për çështjen e shqiptarëve të Luginës, e specifikisht për pasivizimin e adresave”, ka shkruar Sinani.
Po ashtu senatori Menendez në Hearingun e djeshëm, ka nënvizuar se “pakica shqiptare në Serbi i nënshtrohet diskriminimit të vazhdueshëm nga Serbia”.
Sipas Ardita Sinanit, kjo temë ishte në fokus të takimit edhe vizitën e fundit që delegacioni i Luginës së Preshevës zhvilloi ne Capitoll Hill më 2 mars të këtij viti.
“Prandaj sot, ndjej krenari që temat që ne trajtuam bashkërisht në vizitën e fundit në SHBA, por edhe në vizitat tjera, po fillojnë të marrin kahen e duhur të trajtimit në qendrën e vendimmarrjes, Senatin amerikan. Po ashtu ndjej obligim, që në emër të të gjithë shqiptarëve në Serbi, e posaçërisht të shqiptarëve në Preshevë, Bujanoc e Medvegjë, të falënderoj senatorin Bob Menendez për përkushtimin e tij që çështjen tonë ta trajtoj me seriozitetin maksimal”, ka shkruar Sinani.
Më shumë storie
Luginë e Preshevës: Mijëra shqiptarë në këtë rajon mbesin pa të drejta bazë
Mijëra shqiptarë nga Presheva, Bujanoci dhe Medvegja prej vitesh mbeten pa të drejtë vote, dokumente personale dhe qasje në shërbime...
Izet Mexhiti viziton Preshevën, me Sinanin flasin për vendkalimin kufitar
Kryetarja e Preshevës, Ardita Sinani, ka pritur në takim zëvendëskryeministrin për Çështje Evropiane të Maqedonisë së Veriut, Izet Mexhitin. Sinani ...
Medvegjë: Me aktivitete letrare shënohet 7 Marsi, Dita e Mësuesit
Në kuadër të Ditës së Mësuesit, në shkollat shqipe të Medvegjës u mbajt një orë letrare me pjesëmarrjen e nxënësve...
Bujanoc: Mbahet seanca e parë e Shtabit për Situata të Jashtëzakonshme
Sot u mbajt seanca e parë e Shtabit për Situata të Jashtëzakonshme në Komunën e Bujanocit. Gjatë kësaj seance u...
Gjilan: Përkujtohen dhe nderohen dëshmorët e UÇPMB-së
Në Gjilan u organizua akademi kushtuar dëshmorëve të UÇPMB-së. Përfaqësues institucionalë, bashkëluftëtarë dhe familjarë e cilësojnë përjetësisht të paharruar sakrificën...
Vëllazërim, Miqësim e Binjakëzim në trekëndëshin kufitar në mesë Kumanovës, Preshevës e Gjilanit
Shkruan:Refik HASANI Gjilani , është qendër më e madhe e Rajonit të Anamoravës, që përfshin Gjilan, Kamenicë, Viti, Novobërdë, njëkohësisht...
Average Rating