Besnik Bislimi niset drejt Brukselit, pritet vazhdimi i dialogut me Serbinë
Zëvendëskryeministri i parë i Kosovës, i ngarkuar me dialogun Kosovë-Serbi, Besnik Bislimi, është nisur sot për në Bruksel me ftesë të përfaqësuesit të Lartë të BE-së Josep Borrell.
Lajmin e ka konfirmuar për RTK-në edhe Klisman Kadiu nga kabineti i zëvendëskryeministrit.
“Zëvendëskryeministri Bislimi ka udhëtuar për në Bruksel, ku do të marrë pjesë në takime, në kuadër të procesit të dialogut me Serbinë”, ka deklaruar Kadiu.
Lajmin e ka konfirmuar edhe përfaqësuesi i Lartë i BE-së, Josep Borrell. Ai ka bërë me dije se kryenegociatori i palës kosovare, Besnik Bislimi, është nisur sonte drejt Brukselit, ku pritet të zhvillojë negociata për targat. Borrell ka thënë se atje do të shkojë edhe kryenegaciatori serb Petar Petkoviq.
“Kryenegaociatorët do të fillojnë të punojnë për hapat e ardhshëm. Ata do të fillojnë të punojnë sonte. Pala kosoavre është duke mbërritrur sonte” ka thënë Borrell.
