Borrell e Lajçak: Autorët e sulmit duhet të përballen me drejtësinë
Read Time:54 Second
Përfaqësuesi i Lartë i BE-së për Politikë të Jashtme, Josep Borrell, ka thënë se e dënon ashpër sulmin e shëmtuar nga një bandë e armatosur kundër policëve të Kosovës në Banjskë në veri të Kosovës. Borrelli ka thënë se autorët e sulmit duhet të përballen me drejtësinë.
“Dënoj në termat më të ashpër të mundshëm sulmin e shëmtuar nga një bandë e armatosur kundër policëve të Kosovës në Banjska/Banjskë në veri të Kosovës, i cili la të vdekur një polic dhe dy të plagosur. Të gjitha faktet rreth sulmit duhet të vërtetohen. Autorët përgjegjës duhet të përballen me drejtësinë”, ka thënë ai.
Borell ka thënë se Bashkimi Evropian u bën thirrje të gjithë akterëve të punojnë për ta depërshkallëzuar situatën në veri të Kosovës.
Edhe emisari i BE-së për dialog, Miroslav Lajçak e ka dënuar fuqishëm sulmin e tmerrshëm kundër policisë së Kosovës.
“Dhuna e çdo forme është absolutisht e papranueshme. Zemra ime është për viktimat, familjet dhe kolegët e tyre. Autorët duhet të dalin para drejtësisë. Palët duhet t’i kthehen dialogut menjëherë”, ka shkruar Lajçak.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating