Christopher Hill: SHBA kërkon sqarime nga Serbia, çka ka nënshkruar me Rusinë në Njujork
Read Time:57 Second
Shtetet e Bashkuara të Amerikës kërkojnë një shpjegim nga Serbia për atë që u nënshkrua me Rusinë në Nju Jork, tha ambasadori amerikan Christopher Hill.
“Në këtë moment, askush nuk duhet të nënshkruajë asgjë me Rusinë, shumë pak sot nënshkruajnë diçka me të”. Përveç atyre rekrutëve të varfër që po mobilizohen për të shkuar në luftë”, tha ambasadori amerikan Christopher Hill në një fjalim para gazetarëve.
Hill deklaroi se gjatë javës së kaluar në Nju Jork janë zhvilluar bisedime të shkëlqyera ndërmjet delegacioneve të SHBA-së dhe Serbisë dhe se në fund të javës dhe pas gjithë atyre bisedimeve kanë marrë vesh për nënshkrimin e protokollit me Rusinë. Ambasadori amerikan shton se nuk e kanë parë protokollin e nënshkruar, pasi nuk është dokument publik.
“Është e vështirë për ne ta kuptojmë, por duam të dëgjojmë një shpjegim të asaj që është nënshkruar”, tha Hill.
Ministrat e Punëve të Jashtme të Serbisë dhe Rusisë, Nikola Selakoviq dhe Sergej Lavrov, në margjinat e Asamblesë së Përgjithshme të OKB-së në Nju Jork, nënshkruan Planin e Konsultimeve të Ministrive të Punëve të Jashtme të dy vendeve për dy vitet e ardhshme.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating