Dhoma Amerikane e Tregtisë: Dyfishohen investimet amerikane në ShqipëriDhoma Amerikane e Tregtisë:
Në dy vitet e fundit, investimet amerikane në Shqipëri janë më shumë se dyfishuar, siç reflektojnë shifrat e publikuara së fundmi nga Dhoma Amerikane e Tregtisë.
Në tërësi, investimet e huaja direkte nga kompanitë amerikane, janë rritur me dy herë e gjysmë në dy vitet e fundit, në bazë të treguesit të Dhomës.
Më konkretisht, stoku i investimeve në fund të vitit 2020, ka qenë prej 89 milionë eurosh.
Më pas, në fund të vitit 2021, ai kapi vlerën e 161 milionë eurove.
Ndërsa, në fund të 2022-shit, stoku i investimeve të huaja direkte amerikane, kapi vlerën e 221 milionë eurove.
Pra, duke treguar për një rritje të ndjeshme jo vetëm në krahasim me vitin pandemik 2020, por edhe krahasimisht mes viteve 2021-2022, kur ndikimi i COVID-19 ka qenë më pak i pranishëm në ekonominë vendase.
Diçka të tillë e ka nxjerrë në pah edhe vetë ndihmës-sekretari amerikane i shtetit për euro-azinë dhe njëkohësisht i dërguar i posaçëm amerikan për Ballkanin Perëndimor, Gabriel Escobar, i cili gjatë një interviste televizive e theksoi disa herë se bashkëpunimi mes SHBA-ve dhe Shqipërisë nuk ka qenë kurrë në nivele kaq të larta.
Këtu, ai përfshiu edhe aspektin ekonomik dhe atë të investimeve, duke sjellë në vëmendje sektorin energjetik në vend, i cili po mbështetet shumë nga kompani të mëdha amerikane.
