Edi Rama nesër në Prishtinë, takohet me Vjosa Osmanin

Presidentja e Republikës së Kosovës, Vjosa Osmani nesër pret në takim kryeministrin e Republikës së Shqipërisë, Edi Rama.

Zyra e presidencës së Kosovës njofton se takimi mes Osmanit dhe Ramës, fillon në ora 16:00.

Sot kryeministri i Shqipërisë, Edi Rama, refuzoi t’u përgjigjet publikisht deklaratave të kryeministrit të Kosovës, Albin Kurti, pasi tha se takim mes tyre mund të ketë vetëm pas mbledhjes së përbashkët të dy qeverive.

Kurse kryemisntri i Kosovës, Albin Kurti deklaroi se nëse nuk mbahet mbledhja e përbashkët mes qeverisë së Shqipërisë dhe asaj të Kosovës, nuk do të ketë takime të tjera mes tyre.

Më 16 tetor 2023, Tirana zyrtare do të presë samitin e Procesit të Berlinit. Por qeveria shqiptare  ka nisur përgatitjet që tani. Në këtë kuadër, kryeministri Edi Rama, do të nisë të enjten një vizitë e cila fillon nga Shkupi.

Rama do të qëndrojë nesër në Kosovë, ndërsa të premten do të vijojë takimet në Podgoricë, Beograd dhe Sarajevë.