KFOR shqyrton kërkesën e Serbisë për dislokim të trupave

KFOR-i konfirmoi se ka pranuar kërkesë nga Serbia lidhur me dislokimin e deri 1.000 trupave ushtarake dhe policore serbe në Kosovë.

“Aktualisht jemi duke e shqyrtuar këtë kërkesë”, deklaroi KFOR-i në deklaratë zyrtare për RTK.

 “KFOR vazhdon të jetë jashtëzakonisht vigjilent dhe plotësisht i aftë të përmbushë misionin e tij që derivon nga Kombet e Bashkuara” shkruan më tej në përgjigjen e dhënë për RTK-në.

Më 15 dhjetor, autoritetet në Serbi bënë të ditur se kanë vendosur që t’i drejtohen KFOR-it me kërkesë për dislokimin e trupave në Kosovë.

Serbia këtë kërkesë e ka bërë duke u thirrur në Rezolutën 1244 të Këshillit të Sigurimit të Kombeve të Bashkuara. Presidenti i Serbisë, Aleksandar Vuçiq, deklaroi se është e qartë se kërkesa do të refuzohet.

Lini një Përgjigje

Previous post Lëvizja Për Bashkim: Vendimet politike nuk mund ta ndërrojnë karakterin e një lufte
Next post Jamie Shea: Serbisë do t’i refuzohet kërkesa, mirë që nuk veproi pa bërë kërkesë