Kuvendi i Kosovës ka njoftuar se të hënën, në ora 13:00, do të mbahet mbledhja e Kryesisë
Në një njoftim të Drejtorisë për Media dhe Marrëdhënie me Publikun bëhet e ditur se ky takim, ku janë thirrur katër nënkryetarët e zgjedhur të parlamentit, do të mbahet në orën 13:00.
“Pikë e rendit të ditës së kësaj mbledhjeje është ‘Takim konsultativ’”, thuhet në njoftimin e dërguar nga Zyra për Media e Kuvendit.
Partia Demokratike e Kosovës, përmes një komunikate, ka njoftuar se nuk do të marrë pjesë në takimin e Kryesisë së Kuvendit të hënën, me arsyetimin se nuk është konstituuar ende Kuvendi, sepse nuk është zgjedhur Kryesia në përbërjen e plotë kushtetuese.
Edhe Lidhja Demokratike e Kosovës thekson se Kuvendi i Republikës së Kosovës ende nuk është konstituuar. Sipas këtij subjekti politik, Kushtetuta e Republikës, Rregullorja e Kuvendit dhe aktgjykimet përkatëse të Gjykatës Kushtetuese janë të qarta dhe pa ekuivok sa i përket procedurave dhe kushteve të konstituimit të tij.
Kurse Deputetja e LVV-së, Albulena Haxhiu, ka thënë se duhet të niset puna me kryetarin dhe nënkryetarët e zgjedhur të Kuvendit – pavarësisht se nuk është zgjedhur një nga komuniteti serb – ose të shkohet në zgjedhje.
Ajo ka theksuar se është e papranueshme që institucionet të mbesin peng i Listës Serbe.
Kryetari i Kuvendit të Kosovës, Dimal Basha, të shtunën e ka shpallur të mbyllur seancën konstituive, pavarësisht se Kuvendi ka dështuar ta zgjedhë një nënkryetar nga pakica serbe të shtunën.
Asnjëri prej deputetëve që u votua nuk ka marrë shumicën e mjaftueshme dhe rrjedhimisht Kuvendi nuk ka nënkryetarin nga ky komunitet.
Më shumë storie
Vlora Çitaku: E turpshme dhe e papranueshme
Ushtruesja e detyrës së kryetares së PDK-së, Vlora Çitaku, e ka cilësuar të turpshëm dhe të papranueshëm aktgjykimin e Gjykatës...
OVL e UÇK-së: Vendim i papranueshëm
Organizata e Veteranëve të Luftës së Ushtrisë Çlirimtare të Kosovës (OVL e UÇK-së) ka reaguar pas vendimit të sotëm ndaj...
Hagë: 41 muaj burgim efektiv për rastin e njohur si “Administrimi i Drejtësisë”
Dhomat e Specializuara të Kosovës (DHSK) kanë shpallur aktgjykimin në çështjen gjyqësore ndaj Hashim Thaçit, Bashkim Smakajt, Isni Kilajt, Fadil...
OVL-UÇK: Nuk kemi besim në drejtësinë e Speciales në Hagë
Organizata e Veteranëve të Luftës së Ushtrisë Çlirimtare të Kosovës (OVL-UÇK) ka shprehur sërish mosbesimin ndaj Dhomave të Specializuara në...
Kurti ka ftuar shqiptarët e Luginës që të marrin pjesë në zgjedhjet për Këshillin Kombëtar Shqiptar
Kryeministri i Republikës së Kosovës, z. Kurti, i bën thirrje gjith qytetarëve të Preshevës, Bujanocit dhe Medvegjës që të marrin...
Albin Kurti udhëton drejt Francës, merr pjesë në Forumin e Paqes në Paris
Kryeministri i Kosovës, Albin Kurti, ka udhëtuar të shtunën drejt Francës, ku do të marrë pjesë në Forumin e Paqes...

Average Rating