Luginë e Preshevës: Përfaqësuesit institucional kërkojnë përfshirjen e çështjes së Luginës në dialogun Kosovë-Serbi

Read Time:2 Minute, 54 Second

Luginasit thonë se në bisedimet Kosovë-Serbi e që po ndërmjetësohen nga Bashkimi Evropian, përkatësisht nga Miroslav Lajçak, do të duhej të kthenin sytë edhe nga shqiptarët e Luginës, si dhe të fusin si temë që të zgjidhet njëherë e përgjithmonë çështja e tyre në Luginë të Preshevës.

Deklarata e emisarit special të Bashkimit Evropian për dialogun me Kosovë-Serbi Miroslav Lajçak, se çështja e shqiptarëve të Luginës së Preshevës, asnjëherë nuk ka qenë temë e bisedës në dialogun Prishtinë – Beograd, ka ngjallur reagimet e përfaqësuesve institucionalë dhe të shoqërisë civile. Ragmi Mustafi, kryetar i Këshillit Kombëtar Shqiptar i ka quajtur shqetësuese deklarata e tilla, ndërkohë që zgjidhjen e statusit të shqiptarëve të Luginës ai e sheh te dialogu Kosovë – Serbi.

“Deklaratat e zotit Lajçak janë shqetësuese në rast se janë të vërteta dhe njëkohësisht kërkojë që institucionet e Republikës së Kosovës që të sqarojnë se çfarë ka ndodhur në këtë proces. Sepse shpresa e fundit e shqiptarëve të Luginës së Preshevës, për zgjidhje përfundimtare të çështjes së shqiptarëve të Luginës së Preshevës është në dialogun Kosovë – Serbi, sepse është pjesë e kontekstit të normalizimit të marrëdhënieve mes Kosovës dhe Serbisë”, thotë Ragmi Mustafi, kryetar i KNSH-së.

I pari i Kuvendit në Bujanoc, Enver Ramadani e ka quajtur politike deklaratën e Mirosllav Lajçakut, ndërkohë që ai iu beson institucioneve të Republikës së Kosovës për përfaqësim të shqiptarëve të Luginës në procesin e dialogut.

“ Neve jemi në kontakte të vazhdueshme me krerët e Republikës së Kosovës, me Qeverinë e Kosovës, me presidencën, dhe shpresojmë njëkohësisht besojmë fuqishëm që shqiptarët e Luginës së Preshevës të trajtohen në dialogun Kosovë ? Serbi e vetmja zgjidhje për përmirësimin e jetës së qytetarëve të Luginës së Preshevës në tërësi. Kjo deklaratë është politike dhe jo e bazuar në dialogun mes shqiptarëve të Luginës së Preshevës dhe krerëve apo institucioneve të Republikës së Kosovës”, thotë Enver Ramadani, kryetar i Kuvendit në Bujanoc.

Përfaqësuesit e shoqërisë civile, mendojnë se Lajçak ka ngritur një temë në vete kur ka thënë se u takon palëve që të përcaktojnë temat e dialogut, ndaj institucionet e Republikës së Kosovës e kanë obligim shtrimin e temës së Luginës në procesin dialogut.

 “Siç tha edhe kryenegociatori Lajçak, i takon palëve vet që të propozojnë temat të cilat duhet të diskutohen, kështu që pala kosovare në mënyrë emergjente duhet që në takimin e ardhshëm ta shtrojë edhe pozitën e shqiptarëve të Luginës” thotë Jeton Ismaili, gazetar.

 “Kemi pritur që nga këto bisedime tashmë të kemi një zgjidhje të problematikave që i kemi në Luginë të Preshevës, tashmë e njëzet vite. Prandaj, kërkojmë që nga institucionet e Republikës së Kosovës dhe nga bisedimet Kosovë – Serbi, çështjet e Luginës së Preshevës të shtrohen në tavolinën e bisedimeve” Shefku Jonuzi, nga OJQ Shoqata për Vizion dhe Zhvillim.

Kërkesa e përfaqësuesve të shqiptarëve të Luginës së Preshevës për zgjidhjen e gjendjes së tyre në mënyrë reciproke me statusin e serbëve të Kosovës përmes procesit të dialogut Prishtinë – Beograd, përveç që ka qenë e përhershme, ajo është jetike për një stabilitet afatgjatë dhe të qëndrueshëm në këtë zonë.

https://video.fbeg4-1.fna.fbcdn.net/v/t39.25447-2/292151730_491265306094131_1972329310897126360_n.mp4?_nc_cat=111&vs=d58dbde07de1e493&_nc_vs=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%3D&ccb=1-7&_nc_sid=edb743&efg=eyJ2ZW5jb2RlX3RhZyI6Im9lcF9zZCJ9&_nc_ohc=h1LUaKiJylgAX_Fa3lX&_nc_ht=video.fbeg4-1.fna&edm=AGo2L-IEAAAA&oh=00_AT_IuhXIaR0jFtRdCKa4eLxO7OfGBMV50Cnf9bsKVb1exQ&oe=62C78C33&_nc_rid=885217170287105
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Opinion: Kush u mashtrua?
Next post Besa Tafilaj Pinchotti, Drejtore Ekzekutive e NMFA, e ftuar në Shtëpinë e Bardhë