Mesazhet e Dodikut shkaktojnë reagime të ashpra në Maqedoninë e Veriut
Mesazhet me përmbajtje përçarëse ndëretnike, kundër NATO-s dhe kundër BE-së të udhëheqësit të serbëve të Bosnjës, Milorad Dodik, gjatë një akademie kushtuar Shën Savës në Shkup, kanë shkaktuar reagime të ashpra nga Qeveria dhe partitë politike në Maqedoninë e Veriut. Ngjarja ishte organizuar nga ministri për Marrëdhënie mes Bashkësive, Ivan Stoillkoviq.
Kryeministri I Maqedonisë së Veriut, Hristijan Mickoski u shpreh kundër deklaratave anti-BE dhe anti-NATO të udhëheqësit të Serbëve të Bosnjës, Milorad Dodik, duke thënë se akademia nuk ishte vendi për dërgimin e porosive të tilla.
Ndërkohë, Bilall Kasami nga koalicioni VLEN kritikoi ministrin Stoillkoviq, duke theksuar se ai nuk përfaqëson vetëm komunitetin serb, por të gjitha komunitetet në Maqedoninë e Veriut.
“Nuk është hera e parë që persona të caktuar uzurpojnë institucione për të shprehur qëndrimet e tyre personale. Kur flasim për bartës të një pozite publike, duhet të kemi ndjeshmërinë e institucionit që përfaqësojmë”, ka thënë Bilall Kasami nga Lëvizja VLEN.
Ndërkohë, të rinjtë e Bashkimit Demokratik për Integrim (BDI) protestuan para ministrisë që udhëheq Stoillkoviq, duke kërkuar dorëheqjen e tij të menjëhershme.
“Ngremë zërin kundër provokimit të turpshëm që tronditi të gjithë shqiptarët. Dekorata “Vojvoda Vuk” që i është dhënë zëvendëskryeministrit Stoillkoviq është një fyerje e rëndë për popullin shqiptar dhe një tallje e hapur me historinë tonë”, tha Veton Sadiku i BDI-së.
Për shkak të deklaratave të Dodik, i cili mohon gjenocidin e Srebrenicës, ka reaguar edhe Lidhja Demokratike e Boshnjakëve në Maqedoninë e Veriut.
Më shumë storie
Shaip Kamberi: Presim zgjidhje konkrete nga institucionet e reja të Serbisë
Me dy deputetë në përbërjen e re të Kuvendit të Serbisë, shqiptarët e Luginës së Preshevës kanë dyfishuar përfaqësimin e...
Serbi: Lista Studentore publikon programin, Kosovën e konsideron pjesë të Serbisë
Lista Studentore në Serbi ka publikuar programin e saj politik për politikën e jashtme dhe interesat kombëtare, në të cilin...
Identifikohen mbetjet mortore të tre intelektualëve të zhdukur gjatë luftës
Kryeministri i Republikës së Kosovës, Albin Kurti, ka njoftuar se janë identifikuar mbetjet mortore të tre intelektualëve të rrëmbyer dhe...
Serbët e Kosovës votuan 71,63 për qind për listën e Vuçiqit
Humbja e Aleksandar Vuçiqit në zgjedhjet e parakohshme parlamentare në Serbi dhe mundësia e formimit të një qeverie të re...
Pas humbjes, Vuçiqi kërcënon me vetorganizim të mbështetësve të SNS-së
Ish-presidenti i Serbisë, Aleksandar Vuçiq, partia e të cilit pësoi humbje në zgjedhjet parlamentare, të mbajtura të dielën, ka kërcënuar...
Pesë ditë para zgjedhjeve në Serbi, Vuçiq e pranon se është duke humbur
Lista e Studentëve në Serbi prin ndaj listës “Serbia e Bashkuar” të presidentit Aleksandar Vuçiq, sipas një sondazhi të publikuar...

Average Rating