I paudhë që duhet të ndëshkojë drejtësia dhe Zoti!

Read Time:1 Minute, 44 Second

Nga Azgan Haklaj

I paudhë që duhet të ndëshkojë drejtësia dhe Zoti!

Në teracën e bashkisë së metropolit të vendit, pikërisht në lartësinë e objekteve kryesore të tre besimeve religjioze kombëtare, Xhamia e E’them Beut,Katedralja Katolike dhe Katredalja Ortodokse që qëndrojnë në harmoni pranë e pranë një provokim i shëmtuar ju servir publikut shqiptar.

Shefi i orgjive e përvesiteteve të G -99-ës e fatkeqësisht kryebashkiak i Tiranës Erjon Veliaj inskenoi një ceremoni martesë të të njëjtës gjini (femërore).

Nuk është intensioni im as njerëzor dhe as politik të paragjykoj orientimet ndryshe dhe as të bëhem unison me Ilir Metën e Belon e foltores që mezi pritën të bënin prononcime të bujshme paraelektorale kundër Erjon Veliajt e PS-së.

E vërteta ime është origjinale dhe personale por e bazuar totalisht si në ligjet kushtetuese të vendit po aq dhe në kodit zakonor shqiptar.

Nëse Ilir Meta ka hallin e diskretitimit të Veliajt që i dogji bashkëpunëtorin në hajni Arben Ahmetaj që nga koha i impulseve te Dhimitraq Raftit, Belo ka shtysen e vjehrrit Artan Shkreli i cili u injorua nga Veliaj për të marrë pjesë në kullizimin e Tiranës.

Pra që të dy nuk nisen nga skandali kundër ligjit dhe dinjitetit shqiptar por nga interesa okulte e meskine.

Erjon Velaj duhet të bëhet përgjegjës se ka shkelur ligjin dhe kushtetutën e Shqipërisë.

Atë nuk e shpëton dot kjo lojë për të injoruar skandalin e shekullit që ka shënuar me taksat e qytetarëve me inceneratorin e Tiranës dhe 5 D-në.

Me besim te SPAK-u që do i shkojë në fund hetimit i drejtohem Veliajt si shqiptar:

Ke humbur totalisht e përjetësisht të drejten jo vetëm për të drejtuar Tiranën por edhe për të qënë banor i thjeshtë i saj.

Në anët tona kur të paudhët kryenin vepra të tilla që cënojnë kanunin, nderin dhe moralin, komuntiteti e pleqësia mblidheshin dhe jo vetëm i përzinin përgjithmonë por i digjnin të gjitha pronat e tyre.

E sot meqë nuk jemi në shekujt kur vendoste kanuni e pleqësia le të flasë e të vendosë me ashpërsi drejtësa.