Peter Stano: Nuk ka sanksione, janë masa kufizuese ndaj Kosovës

Read Time:2 Minute, 32 Second

Peter Stano, Zëdhënës i BE-së, duke folur për situatën e fundit në Kosovë, deklaroi se BE-ja miraton sanksione si masa kufizuese bazuar në kornizë të qartë ligjore, të përcaktuar nga shtetet anëtare, pas një procesi të gjatë diskutimesh në Këshill.

“Më lejoni së pari të sqaroj një gjë se nuk ka sanksione. Pra nuk ka sanksione ndaj Kosovës. Kjo është një gjë”, tha Stano.

Sipas tij, e dyta është se për shkak të përshkallëzimit të fundit të situatës, të gjithë janë dëshmitarë që nga fundi i muajit të kaluar, Bashkimi Evropian, 27 shtete anëtare të BE-së, njëzëri kanë theksuar se çfarë presin.

“Ishte një kërkesë e qartë për Kosovën dhe Serbinë për të de-përshkallëzuar tensionet e fundit, veçanërisht në veri të Kosovës, të shkaktuara nga zgjedhjet e parakohshme dhe zbatimi i rezultateve të tyre në katër komunat”, tha Stano.

“Dhe e thamë shumë qartë, nëse nuk do të ketë de-përshkallëzim të menjëhershëm, do të ketë pasoja dhe do të ketë pasoja negative për marrëdhëniet tona”.

Sipas tij, gjatë ditëve dhe javëve të fundit, ka pasur kontakte shumë intensive të nivelit të lartë ndërmjet Bashkimit Evropian dhe aleatëve tanë dhe partnerëve nga të dyja palët për të gjetur një mënyrë për të tejkaluar status quo-në në Kosovë, sepse jemi përsëri në një situatë dhe ngjarjet e djeshme kanë deshmuar dhe dëshmuar se nuk ka depërshkallëzim, dhe përshkallëzimi vazhdon ende.

“Pra, ne themi se kjo status quo duhet kapërcyer. Ne duhet të kalojmë nga menaxhimi i krizës përsëri në një proces të qëndrueshëm. Dhe qetësia duhet të rikthehet në veri të Kosovës”.

Sipas Stanos, tani, përkundër thirrjeve tona të përsëritura në këtë rast, kryeministri Kurti deri më tani nuk ka arritur të ndërmarrë hapa dhe veprime vendimtare për deskalim.

“Plani i tij i propozuar prej pesë pikash, të cilin ai e vuri në dukje në letrën e tij drejtuar Përfaqësuesit të Lartë, nuk arrin të adresojë në mënyrë adekuate disa elementë kyçe që shkaktuan, e të cilët janë shkaku kryesor i krizës së fundit dhe që presim që ai t’i trajtojë urgjentisht me masa vendimtare”.

Ai tha se derisa puna diplomatike vazhdon dhe shtrirja vazhdon, edhe Bashkimi Evropian në përputhje me deklaratën e 27 shteteve anëtare nga 3 qershori, Bashkimi Evropian ka përgatitur propozime masash me efekt të menjëhershëm.

“Këto nuk janë sanksione në kuptimin e shkallës së masave kufizuese. Këto janë masa që duhen marrë me efekt të menjëhershëm. Tani, shtetet anëtare kanë mbështetur dje një sërë masash në lidhje me Kosovën dhe ne ende presim që kryeministri Kurti të zbatojë hapat që nevojiten për deeskalim të menjëhershëm”, tha Stano.

Ai u shpreh se këto masa janë në rritje me pasoja financiare dhe politike, duke filluar me ndërprerjen e vizitave dhe kontakteve dhe ngjarjeve të nivelit të lartë, si dhe bashkëpunimin tonë financiar me Kosovën.

“Dhe sigurisht, këto masa dhe pezullime janë të përkohshme dhe të kthyeshme, në varësi të zhvillimeve në terren dhe hapave të besueshëm, vendimtarë të ndërmarrë nga kryeministri Kurti në përshkallëzimin e situatës”.