Preshevë: Dy këshilltarët serb të Kuvendit Komunal i mundësojnë vazhdimin e qeverisjes lokale

Dje është mbajtur seanca e III-të e Kuvendit Komunal të Preshevës për këtë vit.

Kjo seancë ishte vazhdimësi e seancës së kaluar ku kuvendi i Preshevës kishte humbur shumicën pas largimit të një këshilltari nga Alternativa për Ndryshim e Shqiprim Arifit.

Dy këshilltarët serb, aq sa ka përfaqësues ky komunitet, deri dje ishin opozitë e pushtetit e të cilët dje iu bashkuan pozitës qeverisëse dhe u krijuan shumicë APN-së së Shqiprim Arifit dhe LR-së së Sami Salihut me ç’rast i mundësuan vazhdimin e qeverisjes me pushtetin lokal të Preshevës.

Të gjitha pikat e rendit të ditës janë votuar pa asnjë diskutim të këshilltarëve dhe seanca ka zgjatur disa minuta.