Ramush Haradinaj pas takimit me Lajçakun: Draft-statuti i Asociacionit është në përputhje me kushtetutën e Kosovës
Kreu i AAK-së, Ramush Haradinaj u deklarua për media pas takimit me emisarin e BE-së, Miroslav Lajçak.
Haradinaj, tha se Draft-Asociacioni iu jep të drejta serbëve në pajtim me Kushtetutën e Republikës së Kosovës.
Për dallim nga kolegët e tij opozitarë nga PDK e LDK që deklaruan se nuk u njoftuan me dokumentin, Haradinaj e tha të kundërtën.
“Sapo e përfunduam takimin me z.Lajçak dhe patëm mundësinë që të njoftohemi me dokumentin e draft statutit të Asociacionit, që ta lexojmë në tërësi. Kemi lexuar draftin në tërësi, drafti e shpjegon të gjitha mundësitë që Asociacioni u jep komunave me shumicë serbe, duke iu referuar Kushtetutës dhe ligjeve të Kosovës”, tha Haradinaj.
