Takimi Borrell-Kurti: Synojmë uljen e tensioneve në veri të Kosovës
Shefi për Politikë të Jashtme e Siguri të BE-së, Josep Borrell,ka ftuar në takim në Bruksel kryeministrin e Kosovës, Albin Kurti e presidentin e Serbisë, Aleksandar Vuçiq, për të gjetur zgjidhjen në uljen e tensioneve në veri të Kosovës.
Borrell përmes rrjetit social Twitter ka bërë të ditur për ecurinë e takimit me Kurtin e Vuçiqin, të cilat janë zhvilluar të ndara.
Kështu, lidhur me takimin me kryeministrin Kurti, Borrell përmes Twitter u shpreh se situata në veri të Kosovës vazhdon të jetë shumë e tensionuar dhe që po synohet të gjendet një zgjidhje për uljen e menjëhershëm të tensioneve në veri të vendit, si dhe të ecet përpara.
