Besimtarët myslimanë të Tiranës falën namazin e Fitër Bajramit në sheshin “Skënderbej“
Mijëra besimtarë të besimit islam kanë mbushur mëngjesin e ditës së sotme sheshin “Skënderbej” në Tiranë ku u organizua ceremonia e faljes së namazit të Fitër Bajramit.
Me rastin e kësaj ditë shumë të rëndësishme në kalendarin fetar mysliman, mijëra besimtarë shqiptarë edhe këtë vit e kanë kryer ritualin e faljes së namazit në sheshin “Skënderbej”, e cila filloi në orën 06:15 me leximin e Kuranit prej imamit të xhamisë së Et’hem Beut Elton Karaj dhe vazhdoi me ligjërata, faljen e namazit dhe hytbe, transmetoi Radio Televizioni Shqiptar.
Fitër Bajrami shënon edhe fundin e muajit të shenjtë të Ramazanit.
Kryetari i Komunitetit Mysliman të Shqipërisë, Bujar Spahiu, i cili mbajti dhe faljen e namazit, uroi të gjithë besimtarët myslimanë shqiptarë dhe bëri thirrje për më shumë solidaritet dhe angazhim për adhurimin e Zotit.
“Ka qenë një rrugëtim i mundimshëm, por i bukur. Unë personalisht dhe institucioni që drejtoj, jemi krenarë për historinë tonë. Jemi krenarë për paraardhësit tanë në këtë shekull. Ne i kemi dhënë dhe vazhdojmë t’i japim kësaj shoqërie, këtij kombi vlerat më të larta e më të sinqerta.
“Falë besimtarëve dhe drejtuesve të besimeve në Shqipëri ne i kemi kontribuar këtij kombi një nga vlerat me të cilat krenohemi të gjithë, kudo, harmoninë dhe dialogun ndër fetar. I tillë do të vazhdojë ky kontribut edhe në të ardhmen me lejen e Zotit.
“Për të patur vazhdimësi kjo vlerë e komuniteteve fetare, duhet që çdo komponent i shoqërisë tonë të kujdeset për të mbrojtur meritën dhe ta shpërblejë atë kudo që ajo ndodhet”, tha kreu i KMSH.
Më shumë storie
Shqiptarёt e harruar nё Turqi
Nga Qamil Bytyqi (Botim i vitit 2020) U gёzova shumё kur zoti Enver Bytyqi mё dorёzoi para dy ditёsh kёtё...
Salih Çekaj luftëtar i orëve të para të Lirisë së Kosovës
Shoqata e Intelektualeve Shqiptar ”Trojet e Arbrit”- Prishtinë,Shoqata Humanitare dhe Kulturore ”Salih Çekaj”- Zvicër,Shoqata Kulturore Shqiptaro- Gjermane ”Sali Çekaj”- Gjermani...
” Rezistenca shqiptare, në Llap dhe në viset e tjera etnike shqiptare gjatë viteve 1912-1953″
Shoqata e Intelektualeve Shqiptar "Trojet e Arbrit" - Prishtinë Shoqata e Historianëve "Vendenisi "- Podujevë Shoqata e Intelektualeve Shqiptar Trojet e...
Edi Rama uron Kosovën: Hap historik
Kryeministri i Shqipërisë Edi Rama, ka uruar Kosovën që Asambleja Parlamentare e Këshillit të Evropës (APKiE) miratoi Opinionin pozitiv për...
Ph.D. GENT IMERAJ i Universitetit “EPOKA” në SHQIPËRI, që po bën “Epokë” në JAPONI
Ph.D. GENT IMERAJ i Universitetit “EPOKA” në SHQIPËRI, që po bën “Epokë” në JAPONI për Inteligjencë Artificiale (AI) e Teknologji...
Arrestohet një serb në Bërnjak për “prishje të rendit kushtetues të Kosovës”
Një serb me inicialet S.S. është arrestuar të shtunën në pikën kufitare të Bërnjakut për “prishje të rendit kushtetues të...
Average Rating