Jam demokrat e nacionalist, kritik i Ramës, por Edi Rama…

April 5, 2023April 5, 2023

Read Time:1 Minute, 10 Second

Nga Skënder Sadri KAPITI

Nga sot, Vlora Hyseni do jetë në krye të Shërbimit Informativ Shtetëror.Unë jam me origjinë nga KOSOVA. Jam kritik i Edi Ramës për shumë gjëra që unë i kam shkruar kundër tij. Por nuk mund të paragjykoj, as te zbuloj e as të “fantazoj” hamendësime, gjëra e sekrete, por më vjen mirë kur kryeministri shqiptar është nismëtari i mbledhjeve të përbashkëta të dy qeverive shqiptare; kur kryeministri Edi Rama mori në qeverinë e tij dhe emeroi dy ministra shqiptarë të Kosovës; kur ai respekton, dekoron e nderon sportistë , artistë e këngëtarë të Kosovës dhe kur edhe drejtimin e Shërbimit Informativ të Shtetit Rama e Begaj ia besuan shqiptares nga Kosova.

Unë ndjehem mirë për këtë vlerësim e respekt që i bëjnë kryeministri Rama dhe Presidenti Begaj Kosovës. Pra, unë ndjehem shume mirë pa marrë parasysh dhe pa u ndikuar as nga bindjet politike te mia, ndjehem mirë si nacionalist kur pushteti e shteti i Shqipërisë respekton shqiptarët edhe të Kosovës dhe Kosovën sic veproi tani së fundi edhe Presidenti dhe Kryeministri i Shqipërisë me emërimin e Vlora Hysenit si drejtoreshë të Shërbimit Informativ të Shtetit. Këtë shëmbull duhet të marrin edhe Abin Kurti ,Vjosa Osmani e Donika Gërvalla që edhe ata të respektojnë shqiptarët nga Shqipëria, të paktën ata që kanë sakrifikuar e kontribuar për Kosovën.