Koalicioni “Beteja poltike e shqiptarve vazhdon – Shaip Kamberi” dorëzoi listën zgjedhore në KQZ

November 25, 2023November 25, 2023

Read Time:1 Minute, 9 Second

Koalicioni i partive politike shqiptare i përbërë nga Partia për Veprim Demokratik, Partia Demokratike Shqiptare, Lëvizja e Progresit Demokratik dhe Unioni Demokratik Shqiptar, i përkrahur nga Aleanca për Luginën, ka dorëzuar sonte në Komisionin Republikan Zgjedhor, Listën zgjedhore “Beteja poltike e shqiptarve vazhdon – Shaip Kamberi”.

Beteja politike e shqiptarve për të mbrojtur e avancuar, ruajtur e kultivuar, të drejtat e shqiptarve të Luginës ka shtyer partitë shqiptare në unifikim të mbrendshëm e koordinim të ngushtë.

Shumica e partive politike në Luginë në kry e me bartësin e listës, Shaip Kamberin zgjodhën të vazhdojnë betejën e përbashkët politike, tejkaluan mospajtimet dhe u dakorduan që koncepti i përbashkët të mbetet përtej dallimeve tona të ndara.

Sekretari organizativ i PVD-së, Rahim Salihu pas dorëzimit të listës ka deklaruar se kjo listë e përbashkët është mbipartiake dhe se nga nesër do filloj fushata derë më derë për të shtrirë e prezentuar konceptin tonë politik dhe për të siguruar mbështetje popullore, mbipartiake, për listën tonë të përbashkët.

“Shpreh faleminderim për çdo qytetar e aktivist politik që përkrahën dhe mbështetën betejën tonë politike.
Nga nesër derë më derë për të shtrirë e prezentuar konceptin tonë politik dhe për të siguruar mbështetje popullore, mbipartiake, për listën tonë të përbashkët.
Koordinimi e bashkërendimi le të mbeten vyrtete tona të veçanta e parlamenti le të vazhdojë të jetë vendi ku do të vazhdojmë betejën tonë politike” ka deklaruar Salihu