OPINION: Shqipëria është sot kështu sepse politika e shoqëria janë ortakë me korrupsionin

Read Time:3 Minute, 55 Second

Nga Skënder Sadri KAPITI

Shkrimin e mëposhtëm ua kam dërguar pushtetarëve dhe politikanëve shqiptarë të Shqipërisë e të Kosovës, atyre që janë në pushtet dhe atyre që janë në opozitë, dhe madje edhe atyre që paraqiten e premtojnë ndryshim, antikorrupsion, premtime dhe përgjegjshmëri e shpresë. Dhe pavarësisht se i njoh, ata nuk më kanë kthyer përgjigje për këtë shkrim asnjëri. Por kur shkruan mirë për politikën , pushtetarët, kryetarët, deputetët etj., dhe kur atyre u pëlqen ajo se cfarë i lavdëron, menjehere prej tyre merr falenderime e mesazhe mirenjohjeje të përkohshme.Madje politikanët që vuajnë nga kompleksi i inferioritetit, nga injoranca morale dhe politike edhe respektin e mirenjohjen ata ta marrin për dobësi,

Shqipëria ndodhet në këtë udhekryq korrupsioni sepse politika demokracia, drejtësia,diplomacia dhe shoqëria civile nuk funksionojnë lirshëm dhe me transparencë por funksionojnë korruptivisht. Nuk ka alternativa ndryshimi e përmirësimi , nuk ka elita të reja politko-shoqërore dhe as në administratë e as në shërbimin civil sepse rektutimi nuk bëhet bazuar te merita, as te patriotizmi e as te pastërtia, por rekrutimi bëhet mbi baza partizane, klanore, nepotike, servilizmi e sidomos nga paraja e korrupsioni.

Parimi i moralit porosit: jini të drejtë e të vërtetë, guxoni e kundërshtoni të keqen, hipokrizinë, zullumet dhe intrigat e tradhtitë, padrejtësitë e pushtetit dhe më të fortit kundër të dobtëve dhe sidomos kundervihuni korrupsionit i cili prish moralin dhe njerezoren.

Dhe a po e bën, dhe a po e zbaton këtë parim të moralit shoqëria shqiptare?Nëse shoqëria shqiptare do ta zbatonte e respektonte këtë parim, gjëndja në Shqipëri nuk do të ishte ashtu si është sot.

Kur korrupsioni pushton dhe sundon gjithë sistemin, atëhere edhe shoqëria, politika e drejtësia bëhen ortakë të atij sistemi korruptiv. Këtë e ka vertetuar edhe diktatura komuniste, ku i gjjthë sistemi politik dhe ai shoqëror ishte ortak dhe oksigjen i atij regjimi. Dhe u desh të pritej 45 vite kalbëzimi i komunizmit dhe ndihma e nderkombëtarëve që ai sistem të vetëshembej.

Problemi është se sa është e aftë shoqëria për ta bërë ndryshimin dhe për të dalë e cmontuar sistemin e sotëm të korrupsionit të këtij tranzicioni, apo mos duhet të presim që ai të bjerë e të cmontohet vetë, apo të na ndihmonjnë nderkombëtarët sepse nuk është e aftë për ta bërë këtë vetë shoqëria shqiptare.

Që politika shqiptare është ortakë e korrupsionit, kjo dihet dhe duket, dhe madje vetë politika shqiptare identifikohet me korrupsionin. Por mos vallë është edhe akoma shumë më keq, mos është ajo se vetë demokracia është kapur dhe asfiksuar nga korrupsioni, e që si e tillë edhe ajo është ortake e korrupsionit?!

Nëse demokracia bashkëpunon me korrupsionin, dhe nëse demokracia bëhet palë me politiken, korrupsionin dhe me paranë, atëhere aty nuk funksionon as ligji, as shteti dhe as shoqëria. Dhe prandaj Shqipëria është sot kështu si është.

Pse është thënë e thuhet se politika është “e pandershme” ?!

Politika kanë thënë mendimtarë madje, se ajo është si e perdala , dhe kjo nuk është thënë kot, sepse dhe perderisa ajo gënjen, mashtron, dhe tradhton. Dhe prandaj edhe një filozof i madh ka thënë se politika është aktiviteti i cili punon pandershmërisht kundër demokracisë, pra kundër popullit.

Dhe po kështu politika aktuale në Shqipëri a nuk është ajo e cila faktikisht mashtron, gënjen dhe premton për të mashtruar, për të gënjyer e tradhtuar?

Dhe prandaj duke qenë e tillë politika 32 vjecare e derimësotme e tranzicionit si një politikë mashtruese, amorale, korruptive, tradhtare e intersave publike e kombëtare, dhe prandaj kjo politikë nuk pranon individë më dinjitet e me personalitet, të aftë e patriotë. Dhe nëse në politikë angazhohen individët me moral, me dinjitet, patriotë e kombëtarë ata sapo mësojnë e shohin se politika është e sillet si kundramorale, korruptive, antipublike , hajdute dhe e papërgjegjshme ata largohen nga politika.

Dhe nëse politika e pandershme, korruptive,hajdute dhe tradhtare e mposht demokracinë, dhe kur dështimi i demokracisë vjen edhe kur populli zgjedh vazhdimisht në krye të vëndit të korruptuarit, hajdutët ,tradhtarët, zullumqarët e halabakët, pra, nese populli zgjedh në krye të punëve të këtillët, të keqen dhe të këqinjtë, atëhere ai populli nuk është më viktimë që e pëson prej tyre, por është ortak me to. Dhe në këtë rast vuajtjet e pësimet i vijnë si meritë. Edhe nëse populli gabon, atëhere ai paguan me meritë për gabimin e vet, ai fiton me merite atë që ai zgjedh e që punon. Në shoqërinë e korruptuar nuk ka demokraci, sepe ajo është bashkëpuntore e korrupsionit