Politika në Shqipëri ëshë betejë mes hajdutëve të Shtetit

Read Time:3 Minute, 54 Second

Nga Skënder Sadri KAPITI

Shqipëria në këto 34 vite tranzicion, ajo e cila e ka karakterizuar demokracinë shqiptare është beteja politike për të rrëmbyer pushtetin dhe kapur shtetin; beteja për të bërë korrupsionin, vjedhjen dhe hajninë për t’u pasurar duke grabitur prona, troje,pasurinë dhe paranë publike.

Në tërësi pothuajse të gjithë pa përjashtim duke përfshirë edhe ata që kanë qoftë edhe një mundësi sado të vogël për të pasur ndonjë fije pushtet apo ndonjë lidhje me politikën e pushtetin , të gjithë ata si: politikani, shtetari, gjyqtari e prokurori, kryebashkiaku, kuvendari e deputeti, ministri e drejtori, administratori, televizioni e të gjitha mediat e tjera dhe pothuajse cdo agjent publik e juridik në Shqipëri, ata kanë si profesion të parë atë të hajdutit, mashtruesit, manipuluesit, xhambazit dhe keqbërësit publik.

Hajdutët, mashtruesit dhe keqbërësit publik e kombëtarë janë edhe tradhtarë të mëdhenj dhe ata nuk kanë asnjë fije ndjesi humane. Atyre shpirtligësia nuk do t’ia dijë për pensionet , as për varfërinë e të tjerëve; ata pavarësisht se vjedhin ata dhe akrabaja e tyre i shpëtojnë edhe drejtësisë sepse ata e kanë në dorë drejtësinë, por kur edhe drejtësia i ndëshkon politikanët zullumqarë shqiptarë miratojnë dhe bëjnë për veten e tyre edhe ligje amnistie për të mos bërë burgun dhe për t’i shpëtuar drejtësisë. Prandaj hajdutët institucionalë janë dhe bëhen edhe të guximshëm dhe trima sepse kanë kapur edhe shtetin , edhe ligjin ,edhe tërë sistemin për të bërë hajninë, krimin dhe korrupsionin institucional, ligjor e shtetëror.

Hajdutët e Republikës, bëhet fjalë për atëhere dhe kur shoqërinë, drejtësinë, sistemin dhe shtetin republikan e kapin, e sundojnë dhe e qeverisin hajdutët, dhe ky lloj sistemi quhet kleptokraci që do thotë hajdutokraci, që do të thotë sundim e qeverisje nga hajdutët.

Hajdutëria institucionale dhe shtetërore është ajo dhe ndodh atëhere kur pushteti, drejtësia , udheheqësit, qeveria dhe e gjithë politika keqpërdorin fuqinë e tyre për t’u pasuruar duke vjedhur me veprime e akte përvetësimesh , korrupsioni, ryshfeti dhe duke shpërdoruar e përvetsuar fonde dhe paranë publike për pasurim të tyre dhe të akrabave familjare të tyre.

Hajdutë e mëdhenj të Republikës janë bartësit e korrupsionit dhe përfituesit e parave publike, të trojeve, të pasurisë dhe të pushtetit korruptiv; pra hajdutë të Republikës janë ata që përdorin pushtetin, postin, detyrën, ligjin, drejtësinë dhe korrupsionin për perfitime personale.

Hajdutët ordinerë nuk janë asgjë krahasuar me këta.

Në opinionin e gjërë përgjithësisht si hajdutë të Republikës të këtij tranzicioni 30 vjecar identifikohen elitarët politikë, juridikë e oligarkikë.

Janë hajdutë të Republkës ata të cilët tradhtojnë atdheun dhe Republikën për interesa e përfitime personale sepse hajduti si atdhe ka paranë; hajdutë të mëdhenj janë ata që vjedhin në emër të pushtetit, të ligjit dhe të Republikës.

Hajdutët e Republikës janë të gjithë ata që e shfrytëzojnë dhe e keqpërdorin politikën, pushtetin ,postin e detyrën shtetërore për të bërë korrupsionin për të vjedhur e grabitur paranë publike dhe atë të qytetarëve; hajdutë janë të gjithë ata që kanë kapur sistemin shtetëror republikan në Shqipëri.

Janë hajdutë të Republikës të gjithë ata që gjënë e të gjithëve, që është Republika ata e kanë bërë mjet, pronë dhe vegël të tyre.

Hajdutët e Republikës janë të gjithë ata të cilët gjatë këtyre 30 viteve të tranzicionit kanë marre vendime parlametare,kushtetuese dhe qeveritare e ministrore për interesa e për përfitime personale, familjare, klanore e partizane në dëm të interesave publike e kombëtare.

Janë hajdutë rë Republikës të gjithë ata të cilët kanë shpërdoruar me licencat dhe sidomos me lejet e ndërtimin për favore personale dhe që kanë bërë edhe krim urbanistik, mjedisor e turistik.

Janë hajdutë të Republikës të gjithë ata që kanë pasur dhe që kanë poste e detyra të larta shtetërore të cilët e kanë përdorur vulën, autoritetin shtetëror dhe ligjin për të bërë hajninë, paranë, pasurinë, biznesin dhe korrupsionin.

Janë hajdutë të Republikës të gjithë ata gjyqtarë që kanë bërë batërdinë me vendimmarrjet e tyre kriminale e korruptive në “Emer të Republikës”.

Këta hajdutë të mëdhenj “blejnë” edhe ndershmërinë,bëjnë moralin e patriotin, blejnë mëncurinë dhe autoritetin.

Prandaj duke parë këtë realitet dhe këtë kulturë masive korrupsioni të pandëshkueshëm por sidomos si praktikë e sjellje politike e drejtësie korrupsioni dhe hajnije institucionale e shtetërore, SHBA-të nxitën miratimin e reformës në drejtësi, krijimin e SPAK-ut si dhe atë të sanksioneve “non grata” për korrupsion.