Aleksandar Vuçiq: Insistova për asociacionin, por Kurti refuzoi
Presidenti serb, Aleksandar Vuçiq, ka folur për mediat pas takimit trepalësh në Bruksel, duke thënë që ishte një takim shumë i vështirë.
Vuçiq ka thënë që ai ka insistuar për zbatimin e marrëveshjes së asocicacionit, por që sipas tij, kryeministri i Kosovës, Albin Kurti, ka refuzuar.
“Besoj se do të kemi shumë takime në periudhën e arshshme”, tha ai.
“Me sa kam kuptuar, më 18 [mars] do të duhet të shihemi në territorin e Maqedonisë së Veriut. Në atë kohë, shefi i politikës së jashtme të Bashkimit Evropian, Josep] Borrell do ta vizitojë rajonin”, tha Vuçiq.
Ka përfunduar takimi në mes të kryeministrit të Kosovës, Albin Kurti, dhe presidentit të Serbisë, Aleksandar Vuçiq, i ndërmjetësuar nga shefi i politikës së jashtme të Bashkimit Evropian, Josep Borrell, dhe i dërguari i BE-së për dialogun Kosovë-Serbi, Mirosllav Lajçak.
